Tabo

An tabo iyo an ngaran sa Filipinas, mantang gayung asin cebok (sinasayod na chabo' ) iyo an katumbas na terminong ginagamit sa Indonesya, Malaysia, Brunei asin East Timor. An tabo posibleng komun na manonompongan sa mga probinsya alagad iyan lakop na ginagamit sa mga syudad. An kataga mapupwedeng may kinaaraman sa kataga na cebok sa kataraid na Indonesya asin Malaysia, na naglaladawan sa proseso kan paglinig sa sadiring hawak gamit an tabo (o cebok) sa sarong mandi (saro pang katagang Bahasa para sa tabo iyo an kamar mandi).

Kun minsan an tabo pinapalis sa Ingles bilang "dipper" o "pitcher", alagad segun ki Michael Tan, an chancellor sa Unibersidad kan Filipinas-Diliman asin sarong kolumnista sa Philippine Daily Inquirer, labi pa sa pagigin sarong "dipper" an tabo. An plastik na tabo iyo an haros dai kayang itapok na gamit sa harong kan mga Filipino. An mga Pilipino na nakaistar sa ibong na dagat nagdadara nin saindang sadiring tabo o naghahagad sa saindang paryentes na sinda padarhan nin tabo kun minsan nalingawan ninda magdara.

Lakop na piggagamit an tabo maski saen sa laog kan harong para sa ibang katuyohan apwera sa pagkarigos, siring kan pagsukol nin bolyum. 1 tabo iyo an parating katumbas kan 1 litro, nin huli ta an panharong na tabo iyo an ginamit nang plastik na laogan kan 1 litrong motor oil.

Igwa nin kaagid na disenyo asin gamit an tabo sa hishaku (柄杓), sarong Hapones na water dipper na may kapotan na gibo sa kawayan.