Kalakalang Galyon

Pigsagibo ini kadtong Panahon nin Espanyol sa Filipinas. Naghaloy ini nin duwa dangan kabangang ribong taon na nakapag-ugnay sa duwang lugar. Pigsasakay an mga produkto sa mga galyon kan Manila o kaya sa galyon kan Acapulco. Pigriribay sa Mehiko an mga nakalakal sa Filipinas dangan an pigriribay man sa Pilipinas an nakalakal sa Mehiko.

Pig-aapod man na "La Nao de la China" (An barkong Tsino) sa Bagong Espanya (Mexico) an mga galyon kan Maynila, nin huli ta sa dakol na mga kargada o kagamitan dangan produktong Tsino na gikan sa Manila.

Pinunan an Kalakalang Galyon sa Maynila kan 1565 pagkatapos madiskubre ni Andrés de Urdaneta, fraileng Agustino, an tornaviaje o agihang pabalik gikan sa Filipinas paduman sa Mehiko. Piggibo an enot na mga matagumpay na lakbay ni Urdaneta asin ni Alonso de Arellano sa taong iyon. Naghaloy an agihan sagkod 1815 kan nagpuon an Pangkatalingkasang Gera kan Mehiko. Nakadara an mga galyong Maynila sa laog kan 250 taon nin mga mamahalong bagay arog kan mga kasangkapan dangan porselana para sa pilak. Nagtaong-dalan man an agihan sa pagbabago asin pagheheras kan kultura na nakahubog sa pagkakakilanlan kan duwang nasyon.

Kan 2015, nagmawot an Filipinas dangan Mehiko na iiba an Kalakalang Galyong Maynila-Acapulco sa Pankinabang Pamanang Lugar kan UNESCO. Nag-uuyon man an Espanya sa plano kan duwang nasyon.