Hapo
An Hapò (sa Ingles, asthma, haleng Gryegong ἅσθμα, paghalhal) sarong natnat na helang kan agihan nin hinangos na namimidbid sa iba-iba asin balikbalik na sintomas, pagkabara kan duros nin hinangos asin paghigot kan bronquial na kabtang sa halanuhan.
An parating sintomas igdi iyo an paghagok, pagkaho-kaho, paggabat kan daghan asin pag'agaw nin paghangos.
Paliwanag kan nangyayari sa hapoon
An hapo mas masasabotan kun pano naabot kun isihon an istruktura kan mga parte na pasiring sa bagâ. Ini mga tubo na iyo an agihan-duros asin nagdadara kan hinahangos na ayre palaog asin paluwas sa bagâ. An mga hapoon lanog an mga aagihan-duros kaya an mga ini nagatok saka sensitibo sa mga anoman na bagay na nahihigop. Pag an aagihan-duros sa siring na pangyayari nadodolidot, an mga muscles sa palibot nahigot asin napuyos na naresulta sa pagdikit kan pagbulos kan duros palaog. An paggatok pa kaini narandan asin napasadit pang orog sa agihan. Bunga kaini nadakul an pagluwas nin kagad na nakakaagid sa mapulot asin mahibog na sipon (pero bako man sipon) asin orog na nasulat sa dalan nin ayre. An pagdurungan kaining mga reaksyon naresulta sa sintomas nin hapo asin nataong kasakitan sa normal na paghangos.
Mga panluwas na takod
- http://www.webmd.com/asthma/ Kinua 13-08-14
- http://www.medicalnewstoday.com/info/asthma/ Kinua 13-08-14
- http://www.lung.org/lung-disease/asthma/Kinua[permanent dead link] 13-08-14
Toltolan
This article uses material from the Wikipedia Bikol article Hapo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.