Kymrisch

Kymrisch wead in Wales vo rund 750.000 Menschn gredt. Domid is de kejtische Sproch mid de moastn Muaddasprochla. In Wales is Kymrisch, nem an Englischn, Amtssproch und Schuisproch.

De Prognose zua Eahoitung vom Kymrischn is guad, wei's Kymrische in oin Gsejschoftsschichtn gredt wead und in oanign Londestein vo Wales de Leit de Kymrisch redn, de Meahheit san. Iwa de letztn Joar is da Otei vo de Leit wo Kymrisch redn konstant bliem. Seit Wales a eigans Parlament, de National Assembly for Wales / Cynulliad Cenedlaethol Cymru, hod, san de Moßnohma zua Feadarung vom Kymrischn no intensiviat woan. Außadem is des Kymrische da Stoiz und s identitätsstiftnde Element fia vui Walisa, sejbst wenns de Sproch nimma kenna.

Noch da Voikszejung vo 2001 redn rund 21 % vo de Walisa de Sproch.

Olautvaändarunga

A Bsondaheit vom Kymrischn (wia'ra vo de ondan inslkejtischn Sprochn) san de Olautmutationa (engl.: initial mutations, kymr.: treigladau). Unta bstimmtn Bedingunga wead da olautnde Konsonant vo am Woat duach oan ondan af greglte Ort easetzt.

Grundfoam	Lenierung	Nasaliarung	Aspiriarung
pen – „Kopf“	dy ben	fy mhen	ei phen
tad – „Vadda“	dy dad	fy nhad	ei thad
ci – „Hund“	dy gi	fy nghi	ei chi
brawd – „Bruada“	dy frawd	fy mrawd	[k.V.]
dant – „Zand“	dy ddant	fy nant	[k.V.]
gwallt – „Hoar“	dy wallt [1]	fy ngwallt	[k.V.]
mam – „Muadda“	dy fam	[k.V.]	[k.V.]
llaw – „Hond“	dy law	[k.V.]	[k.V.]
rhan – „Tei“	dy ran	[k.V.]	[k.V.]

[1] g wead bei Lenierung voiständig tijgt.

• Cennard Davies: The Welsh Language. The story of Britain’s oldest living language. Y Lolfa, Talybont/Ceredigion 2006 ISBN 0-86243-866-7
• Britta Schulze-Thulin: Walisisch – Wort für Wort, 192 Seiten, Reise Know-How Verlag, ISBN 3-89416-571-5
• Britta Schulze-Thulin: Lehrbuch der walisischen Sprache. 240 Seiten, Helmut Buske Verlag, Hamburg 2006, ISBN 3-87548-403-7

  Wiki auf Kymrisch

• http://www.bbc.co.uk/wales/learnwelsh/index.shtml – Learn Welsh vo da BBC mit umfangreichm Lernmaterial.
• http://webarchive.nationalarchives.gov.uk/20040723071739/http://www.statistics.gov.uk/downloads/census2001/Report_on_the_Welsh_language.pdf – Ergebnisbericht vo da britischn Voikszejlung 2001 speziell zur kymrischen Sproch (PDF-Datei; 1,91 MB)
• Geiriadur Prifysgol Cymru (University of Wales Dictionary of the Welsh Language) https://web.archive.org/web/20051228150420/http://www.cymru.ac.uk/geiriadur/; https://web.archive.org/web/20051203121705/http://www.cymru.ac.uk/geiriadur/gpc_pdfs.htm
• The University of Wales Centre for Advanced Welsh and Celtic Studies@1@2Vorlage:Toter Link/www.cymru.ac.uk (Seite nicht mehr abrufbar; Suche in Webarchiven)
• http://saysomethinginwelsh.com - A kostenlosa, englischsprochiga Audio-Sprochkuas vom Kymrischn