Kranawitt (Juniperus communis)
Kranawitt Gemeiner Wacholder/Heide-Wacholder | ||||||||||||
---|---|---|---|---|---|---|---|---|---|---|---|---|
Systematik | ||||||||||||
| ||||||||||||
Wissnschoftlicha Nama | ||||||||||||
Juniperus communis | ||||||||||||
L. |
Da Kranawitt, Kranawittn, im boarischn Woid (af Noadmittlboarisch) a Krowied(stauan) (Juniperus communis, dt.: Gemeiner Wacholder, aa Heide-Wacholder), is a Pflanznoart, wo zua Gattung vo de Wachoida aus da Familie vo de Zypressn (Cupressaceae) kheat.
Da Nom kimmt vom mhd. "kranech" fia Krechza (vamutle zweng de krechzandn Laute vom Krammetvogl / Kranewittvogl = Wachoidadrossl) und "wit" fia "Untahoiz, Gebisch". Im Boarischn gibts dafia vui Noma: Kranewitt, Kranewitten, Kronabit, Krammetsbaam, Feiabaam, Machandl, Jochandl, Raichastrauch, Wochtlbian usw.
Zua Weihnochtszeit san Kranawittn-Zweigal iwa de Stoitian obrocht worn, um bese Geista und Hexn obzhoidn.
Da Kranawitt is a Keanhoizbaam. Da relativ broade Splint hod a hejgejbe Foab, des Keanhoiz is rodbraun. De mittlare Rohdichtn betrogt 0,55 g/cm³. Des Hoiz is sea wittarungsbstendig und hod an ognehman Duft. Wei de Baama ned so gross wean, wead des Hoiz eha fia Kloameben, zan Drexln und Schnitzn vawendd.
De Fricht hoassn a Kranawittn oda Kranawittnbean, obwois Zopfn san.
Gewiaz: De Kranawittn san a wichtigs Gwiaz in vuien eiropäischen Küchen, bundas fia de boarische Kuche (unentbeale fia Sauakraut, Wuid). De Fricht soin eascht kuaz vor da Vawendung zudruckt wean, domids Aroma voi wiakt.
Schnops: Kranewitta hoasst ma an Schnops, wo aus Kranawittn brennt is (Variantn vom Kranawittnschnops san: Steinhäger, Gin, Genever, Köhm).
Bodwossazuasotz: steigat de Bluadzirkulation
Kranawittntee: 1 EL zadruckte Bean af oana Tassn kochands Wossa, noch 10 Minuten obseichn und dringa.
Kranawittnwein: 50 zaquetsche Bean in 1 l Wein schittn und a Woch steh lossa; duach a Sieb gebm und de Bean ausdrucka. Soi gegn Rheuma hejfa.
Kranawittnej (Aetheroleum Juniperi) wead duach Wossadampfdestillation aus reifn, drickadn Kranawittn gmocht. Wiakt harntreibend.
Oach (1989) | Rotbuachn (1990) | Sommalindn (1991) | Beaguim (1992) | Speialing (1993) | Eiropäische Eibm (1994) | Spitzahorn (1995) | Hainbuachn (1996) | Ebaeschn (1997) | Wuidbian (1998) | Suibaweidn (1999) | Sandbiakn (2000) | Eschn (2001) | Kranawitt (2002) | Schwoazerle (2003) | Weisstanna (2004) | Rosskastanie (2005) | Schwoazpappe (2006) | Woidkiefa (2007) | Woinuss (2008) | Bergahorn (2009) | Vogl-Kiaschn (2010) |
This article uses material from the Wikipedia Boarisch article Kranawitt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.