داکا (بنگالجا: ঢাকা) بنقلادش اؤلکهسینین باشکندیدیر.
بۇ شهرین ۷ میلیون نفر جمعیتی واردیر کی بۇ تعداد حومهسیله بیرلیکده ۱۷ میلیون نفره چاتیر و بئلهلیکله دونیانین ان بؤیوک شهرلریندن بیری سایاگلیر. داکانین اصلی ساکینلری موسلمان بنگاللاردیرلار. آما هیندو بنگاللار، بوداییلر و مسیحی بنگاللاردا بۇ شهرده یاشاییرلار.
۱۹۴۷-نجی ایلده هیندین تجزیهسیندن سوْنرا، داکا شرقی پاکیستانین باشکندی اوْلدو. شرقی و غربی پاکیستان آراسیندا اوْلان اؤنملی سیاسی، ایقتیصادی و فرهنگی ایختیلافلار اۆچون، بۇ شهر بنگلادشین آزادلیق جنگی بویوندا و بیر اوزون مودت اۆچون سرکوب اوْلوندو؛ آما موستقیللیکدن سوْنرا، سورعتلی گئنیشلنمهیه شاهید اوْلوب و بنگلادشین سیاسی، ایقتیصادی و فرهنگی مرکزینه چئوریلدی.
داکا دونیانین ان بؤیوک و سورعتلی گئنیشلنمهسی اوْلان شهرلریندن بیری اولاراق، موختلیف موشکللرله اوزبهاوز اوْلوبدور کی تیرافیک، جورم و جنایت، آلودهلیق و فقر اونلارین ان اؤنملیسیدیر. بۇ شهر گوندهلیک ۶۰۰ میندن آرتیق ریکشا چرخلرینین تیرافیکی اۆچون، «دونیانین ریکشا پایتختی» آدلانیبدیر.
This article uses material from the Wikipedia تۆرکجه article داکا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.