श्रीलंका

श्रीलंका कय पिछला ५००० साल कय लिखित इतिहास मिलत है। १२५,००० साल पहिले हिँया मनई बस्ति होएक प्रमाण मिलत है। श्रीलंका कय संस्कृति बहुतै धनी है।महान धार्मिक किताब रामायण मा लंका का जिकिर है। रामायण मा कुबेर औ बाद मा रावण कय लंका कय राजा बताइ गा है। रावण कय सोना कय महल अव अशोक बाटिका कय भी रामायण मा जिकिर है। श्रीराम कय बनावल राम सेतु कय अवशेष आजो मौजुद है। श्री राम रावण कय मारेक बाद लंका कय राज्य विभीषण कय सँउपिन।हिँया २९ ईसापूर्व मा चतुर्थ बौद्ध संगीति कय समय लिखा बौद्ध ग्रन्थ भि मिला है।

प्राचीन काल से ही श्रीलंका पै शाही सिंहल वंश कय शासन रहा है। समय-समय मा दक्खिन भारतीय राजवंशन् कय भी आक्रमण हिँया होत रहा है। तीसरा सदी ईसा पहिले मा मौर्य सम्राट अशोक कय बेटवा महेन्द्र कय हिँया पय आवै से बौद्ध धर्म कय आगमन भवा।

सोरहवां सदी मा यूरोपीय शक्ति श्रीलंका मा आपन व्यापार स्थापित किहिस।इ देस चाय, रबड़, चीनी, कॉफ़ी, दालचीनी सहित अउर मसालऽन कय निर्यातक बनि गवा। पहिले पुर्तगाल कोलम्बो कय लगे आपन दुर्ग बनाइस। धीरे-धीरे पुर्तगालिय आपन प्रभुत्व आसपास कय इलाकन् मा बना लिहिन। श्रीलंका कय निवासिन् में ओए लोगन खर्तिन घृणा पैदा होइ गवा। फिर वय लोग डच लोगन् से मदद कय अपील कीहिन। १६३० ईस्वी मा डच लोग पुर्तगालिन् पय हमला बोलिन औ ओन्है मार गिराइन, लेकिन डच लोग फिरसे श्रीलंका कय उप्पर आपन धाक जमावै लागे। १६६० तक अंग्रेजन् कय ध्यान यह पर गै। नीदरलैंड पे फ्रांस कय अधिकार होवैक बाद अंग्रेजन् कय इ डर भवा कि श्रीलंका डच इलाकऽन पय फ्रांसिसी अधिकार होइ जाइ। ओकरे बाद ओन्हरे डच इलाकन् पर अधिकार करेक सुरु किहिन। १८०० ईस्वी आवत-आवत तटीय इलाकन् पय अंग्रेजन् कय अधिकार होइ गवा। १८१८ तक अंतिम राज्य कैंडी कय राजा भी आत्मसमर्पण कै दिहिन औ अइसय पूरा श्रीलंका पे अंग्रेजन् कय अधिकार होइ गवा। दुसरका विश्वयुद्ध कय बाद ४ फरवरी १९४८ कय देश कय यूनाइटेड किंगडम से पूरा स्वतंत्रता मिला।

 

प्रशासकीय रूप से श्रीलंका ९ प्रान्तन् मा बँटा है। इ ९ प्रान्तन् मा कुल २५ जिला हैं।

इ देस एक्ठु बहुजातीय औ बहुधार्मिक होय। हिँया कय निवासिऽन मा ७४% सिंहली, १८% तमिल, ७% ईसाई औ १% अउर जाति कय हैं।