Origami
L'origami (折り紙) ye l'arte d'orixe xaponés del plegáu de papel, que tamién ye conocíu como papiroflexa o facer paxarines de papel.
Orixe de la pallabra
L'orixe de la pallabra remanez de les voces xaponeses "oru" (plegar) y "kami" que designa al papel. Pero ésti nun fuera'l so únicu significáu, yá qu'a lo llargo los tiempos esti arte tevo camudamientos nel nome que lu defín. Nos primeros sieglos del so esistir, llamábase Kami pol significáu que designaba'l papel, qu'en realidá ye homónimo de la pallabra qu'usen pa los espirítus de los dioses.
Pasaron los sieglos y tomó'l nome d'"Orikata", que significa en xaponés "exercicios de dobláu". Nun foi hasta 1880 que se desendolcó la pallabra Origami de magar los raigaños "Oru" y "Kami", enriba mentaos. Unu de los centros importantes nel xéneru del origami foi España, onde asignaron el vocablu papiroflexia al arte xeométrico de facer plegaos pa figures en papel.
Siguiendo la filosofía oriental, l'origami aporta calma y paciencia al que lo prautica, rasgu común d'abondes terapies basaes nel exerciciu manual. Miguel de Unamuno, gran aficionáu a facer figures de papel, llamaba al origami Cocotoloxía, pola pallabra en francés Cocotte (Paxarina).
Referencies
Enllaces esternos
This article uses material from the Wikipedia Asturianu article Origami, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.