Ética

Ética
rama de la filosofía (es) y disciplina académica
filosofía

La pallabra ética provién del llatín ethĭcus, y esti del griegu ἠθικός. Etimolóxicamente, les pallabres ética y moral tienen el mesmu significáu, con diferencia que moral deriva del llatín (mos) y ética del griegu (ethos). Arriendes d'ello, dacuando llámase a la ética filosofía moral. Anguaño, sicasí, suelse dicir que la moral ye unu de los oxetos d'estudiu de la ética.

La ética estudia qué ye lo moral, cómo se xustifica racionalmente un sistema moral, y cómo ha d'aplicase esta darréu a los distintos ámbitos de la vida social. Na vida cotidiana constitúi una reflexón sobro'l fechu moral, busca les razones que xustifiquen l'usu d'un sistema moral o otru.

Dalgunos caracterizaron a la ética como l'estudiu del arte de vivir bien, lo cual nun paez exactu, pos que si s'axuntaren toles regles de bona conducta, ensin acompañales d'exame, formaría un arte, mas non una ciencia.>

La ética ye una de les principales rames de la filosofía, en tantu rique de la reflexón y de l'argumentación, esti campu ye'l conxuntu de valoraciones xenerales de los seres humanos que viven en sociedá.

L'estudiu de la ética remóntase a los anicios mesmos de la filosofía na Antigua Grecia, y el so desenvolvimientu históricu foi ampliu y variáu. Una doctrina ética ellabora y verifica afirmaciones o xuicios determinaos. Esta sentencia ética, xuiciu moral o declaración normativa ye una afirmación que va contener términos talos como "bonu", "malu", "correutu", "incorreutu", "obligatoriu", "dexáu", etc, referíu a una aición o decisión. Cuando s'empleguen sentencies étiques ta valorándose moralmente a persones, situaciones, coses o aiciones. Tán estableciéndose xuicios morales cuando, por casu, dizse: "esi políticu ye corruptu", "esi home ye impresentable", "la so presencia ye lloable", etc. Nestes declaraciones apaecen los términos "corruptu", "impresentable" y "lloable" qu'impliquen valoraciones de tipu moral.

• Filosofía
• Moral