ৰাণী মায়াদেৱী (ইংৰাজী: Queen Māyā of Sakya; পালি: Māyādevī) বৌদ্ধ ধৰ্মৰ প্ৰৱৰ্তক সন্ত গৌতম বুদ্ধৰ জন্মদাত্ৰী মাতৃ। তেওঁ প্ৰথম বৌদ্ধ ভিক্ষুণী প্ৰজাপতি গৌতমীৰ বায়েক আৰু ৰজা শুদ্ধোধনৰ পত্নী। গৌতম বুদ্ধ বা সিদ্ধাৰ্থৰ প্ৰসৱৰ সময়ত তেওঁৰ মৃত্যু হৈছিল।
মায়া (বুদ্ধদেৱৰ মাতৃ) | |
---|---|
মায়াদেৱীৰ মূৰ্তি, নেপাল, ঊনবিংশ শতিকা; পেৰিচৰ গুইমেই যাদুঘৰত সংৰক্ষিত | |
জন্ম | মায়া দেৱদহ |
মৃত্যু | কপিলাবস্তু, শাক্য ৰাজ্য |
ৰাষ্ট্ৰীয়তা | শাক্য |
অন্য নাম | মহামায়া |
দাম্পত্যসঙ্গী | ৰজা শুদ্ধোধন |
পিতৃ-মাতৃ | অঞ্জন (পিতৃ), যশোধৰা (মাতৃ) |
সন্তান | সিদ্ধাৰ্থ গৌতম বুদ্ধ |
আত্মীয়-স্বজন | ৰজা সুপবুদ্ধ আৰু দন্দপানী (ভাতৃ), ৰাণী মহাপ্ৰজাপতি গৌতমী (ভগ্নী) |
কপিলাবস্তুৰ শাক্য বংশীয় ৰজা শুদ্ধোধনে মায়া দেৱীক বিবাহ কৰায়। মায়া শুদ্ধোধনৰ খুৰাকৰ জীয়ৰী; যি দেৱদহৰ ৰজা আছিল। বিয়াৰ বিশ বছৰ পাছলৈকে দুয়োৰো সন্তান নাছিল। কিংবদন্তি অনুসৰি এদিন পূৰ্ণিমা ৰাতি মায়া দেৱীয়ে এটা সপোন দেখে। তেওঁক যেন চাৰিজন দেৱদূতে হিমালয়ৰ হ্ৰদ এটালৈ কঢ়িয়াই লৈ গৈছে। তাত তেওঁ স্নান কৰে আৰু স্বৰ্গীয় বসন পৰিধান কৰে। এনেতে এটা শুকুলা হাতীয়ে শূৰেৰে এপাহ পদুম ফুল লৈ তেওঁৰ চাৰিওদিশে তিনিবাৰ প্ৰদক্ষিণ কৰি তেওঁৰ গৰ্ভত প্ৰৱেশ কৰে। মায়া দেৱীয়ে অনুভৱ কৰিলে যে এই সপোনটোৱে তেওঁলৈ সৌভাগ্যৰ বতৰা কঢ়িয়াই আনিছে।
This article uses material from the Wikipedia অসমীয়া article মায়া (বুদ্ধদেৱৰ মাতৃ), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). আন একো উল্লেখ নাথাকিলে এই বিষয়বস্তু CC BY-SA 4.0 ৰ আওতাত উপলব্ধ। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki অসমীয়া (DUHOCTRUNGQUOC.VN) is an independent company and has no affiliation with Wiki Foundation.