পুষ্য বৰ্মা: কামৰূপৰ ৰজা

পুষ্য বৰ্মা (ইংৰাজী: Pushya Varman)(ৰাজত্ব ৩৫০-৩৭৪) হৈছে বৰ্মন বংশৰ প্ৰতিষ্ঠাতা। তেওঁ ৩৫০ খ্ৰীষ্টাব্দত কামৰূপত এই বংশৰ প্ৰতিষ্ঠা কৰিছিল। তেওঁৰ সময়তে ব্ৰাহ্মণ সকলৰ প্ৰভাৱ ৰাজ্যখনত বৃদ্ধি পাইছিল। তেওঁ মগধৰ বিখ্যাত ৰজা সমুদ্ৰগুপ্তৰ সমসাময়িক আছিল। তেওঁ সমুদ্ৰগুপ্তৰ লগত মিত্ৰতা কৰি তেওঁক ৰাজ চক্ৰৱৰ্তী বুলি স্বীকাৰ কৰিছিল। অৱশ্যে অসমীয়া সাহিত্যৰ বুৰঞ্জীৰ প্ৰথম খণ্ডত তেখেতৰ সময়সীমা ৩৫৫ৰপৰা ৬৫০ লৈকে ধৰা হৈছে৷ নালন্দা পোৰা মাটিৰ মোহৰত তেওঁক ‘মহাৰাজাধিৰাজ’ বুলি কোৱা হৈছে৷