চাৰ্লছ-এডৱাৰ্ড জিয়েনেৰেট-গ্ৰীজ (ইংৰাজী: Charles-Édouard Jeanneret-Gris), যাক প্ৰধানকৈ লী ক'ৰবাজিয়ে (Le Corbusier; ফৰাচী: ; ৬ অক্টোবৰ, ১৮৮৭ – ২৭ আগষ্ট, ১৯৬৫) নামেৰে জনা যায়, এগৰাকী খ্যাতনাম স্থপতিবিদ, শিল্পী আৰু লেখক। তেওঁক আধুনিক স্থপতিবিদ্যাৰ জনকসকলৰ মাজত অন্যতম বুলি গণ্য কৰা হয়। ইউৰোপ, ভাৰত, আমেৰিকাৰ বিভিন্ন অঞ্চলত সিঁচৰিত হৈ থকা বিভিন্ন অট্টালিকাসমূহ তেওঁৰ পাঁচটা দশক জোৰা স্থপতিবিদ্যাৰ নিদৰ্শন।
লী ক'ৰবাজিয়ে | |
---|---|
লী ক'ৰবাজিয়ে | |
নাম | Charles-Édouard Jeanneret |
জন্ম | ৬ অক্টোবৰ, ১৮৮৭ La Chaux-de-Fonds, Switzerland |
মৃত্যু | ২৭ আগষ্ট, ১৯৬৫ (৭৭ বছৰ) Roquebrune-Cap-Martin, France |
দেশ | Swiss / French (from 1930) |
বঁটা | AIA Gold Medal (1961) |
লী ক'ৰবাজিয়েৰ জন্ম হৈছিল ৬ অক্টোবৰ, ১৮৮৭ চনত ছুইজাৰলেণ্ডৰ এখন সৰু চহৰত। শৈশৱৰে পৰা তেওঁ স্থপতিবিদ্যাত আগ্ৰহী হৈ উঠিছিল। তেওঁ বুডাপেষ্ট আৰু পেৰিছত উচ্চশিক্ষা লাভ কৰে। ১৯০৮ চনত তেওঁ ভিয়েনাত স্থপতিবিদ্যা অধ্যয়ন কৰে। ১৯১০-১৯১১ তলী ক'ৰবাজিয়েই বাৰ্লিনত প্ৰখ্যাত স্থপতিবিদ পিটাৰ বেহৰেনছ (Peter Behrens)ৰ অধীনত কাম কৰিবলৈ লয়। দ্বিতীয় বিশ্বযুদ্ধৰ সময়ত তেওঁ চাৰিবছৰ জুৰি ছুইজাৰলেণ্ডত আধুনিক স্থপতিবিদ্যাৰ অধ্যয়ন কৰে। পৰৱৰ্ত্তীকালত তেওঁ স্বাধীনভাৱে কাম কৰিবলৈ লয়।
১৯১৮ চনত তেওঁ চিত্ৰশিল্পী 'Amédée Ozenfant' সৈতে মিলি কাম আৰম্ভ কৰে 'Purism' নামৰ এটা নতুন চিত্ৰশিল্পৰ আন্দোলনৰ জন্ম দিয়ে। ১৯২০ চনত তেওঁ পেৰিছৰ শিল্পীসকলৰ মাজত প্ৰচলিত জনপ্ৰিয় ট্ৰেণ্ড অনুসৰি নিজৰ নামটো লী ক'ৰবাজিয়ে লৈ সলনি কৰে।
লী ক'ৰবাজিয়েই 'Yvonne Gallis' নামৰ এগৰাকী ফেশ্বন মডেলৰ স'তে বিবাহ পাশত আবদ্ধ হয়। কিন্তু ১৯৫৭ চনত তেওঁৰ মৃত্যু হয়। বিবাহ-বৰ্ইভূতভাৱে লী ক'ৰবাজিয়েৰ 'Marguerite Tjader Harris' নামৰ এগৰাকী মহিলাৰ সৈতে বহুদিনিয়া সম্পৰ্ক থকাৰ কথা জনা যায়।
১৯৩০ চনত লী ক'ৰবাজিয়েই ফ্ৰান্সৰ নাগৰিকত্ব গ্ৰহণ কৰে।
১৯৬৫ চনৰ ২৭ আগষ্ট তাৰিখে ক'ৰাবজিয়ে ডাক্তৰৰ পৰামৰ্শ আওকাণ কৰি সাগৰলৈ সাঁতুৰিবলৈ যায়। সিদিনাই সাগৰৰ পৰা তেওঁৰ মৃতদেহ উদ্ধাৰ হয়। হৃদযন্ত্ৰ বিকল হৈ তেওঁৰ মৃত্যু হ'ল বুলি ধাৰণা কৰা হয়।
This article uses material from the Wikipedia অসমীয়া article লী ক'ৰবাজিয়ে, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). আন একো উল্লেখ নাথাকিলে এই বিষয়বস্তু CC BY-SA 4.0 ৰ আওতাত উপলব্ধ। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki অসমীয়া (DUHOCTRUNGQUOC.VN) is an independent company and has no affiliation with Wiki Foundation.