ডগলাছ ষ্টুৱাৰ্ট

ষ্টুৱাৰ্টৰ জন্ম হৈছিল ছাইটহিল, স্কটলেণ্ডৰ গ্লাছগোৰ এটা হাউছিং এষ্টেটত। তিনিজন ভাই-ভনীৰ ভিতৰত তেওঁৱেই সকলোতকৈ সৰু আছিল। তেওঁ সৰু হৈ থাকোঁতেই দেউতাকে পৰিয়ালটোক এৰি যায় আৰু তেওঁক সুৰাপান আৰু আসক্তিৰ সৈতে যুঁজ দি থকা একক মাতৃয়ে তেওঁক ডাঙৰ-দীঘল কৰে।

ফেশ্বন ডিজাইনিঙত কেৰিয়াৰ আৰম্ভ কৰিবলৈ ২৪ বছৰ বয়সত ষ্টুৱাৰ্ট নিউয়ৰ্ক চহৰলৈ যায়। ২০ বছৰ ধৰি তেওঁ কেলভিন ক্লেইন, ৰাল্ফ ল'ৰেন, বানানা ৰিপাব্লিক আৰু জেক স্পেডকে ধৰি কেইবাটাও ব্ৰেণ্ডত কাম কৰে। ডিজাইনিঙৰ কামৰ মাজে মাজে তেওঁ লিখা-মেলাৰ কামো কৰিছিল। উল্লেখযোগ্য যে তেওঁ তেওঁৰ প্ৰথমখন উপন্যাস লিখিবলৈ আৰম্ভ কৰিছিল বানানা ৰিপাব্লিকত জেষ্ঠ্য নিৰ্দেশক হিচাপে বাৰঘণ্টীয়া চিফ্ট কৰি থকাৰ সময়ত।

প্ৰথমখন উপন্যাস প্ৰকাশ হোৱাৰ আগতে তেওঁৰ বিভিন্ন লেখা দ্য নিউ ইয়ৰ্কাৰ আৰু লিটহাবত প্ৰকাশ হৈছিল।

তেওঁৰ প্ৰথমখন উপন্যাস ছুঘী বেইনৰ বাবে মাৰ্গাৰেট বাছবি, লী চাইল্ড,সমীৰ ৰহিম, লেম চিচে আৰু ইমিলি উইলছনেৰে গঠিত এখন বিচাৰালয়ৰ দ্বাৰা ২০২০ চনৰ বুকাৰ বঁটা লাভ কৰে।

ষ্টুৱাৰ্টৰ দ্বৈত ব্ৰিটিছ আৰু আমেৰিকান নাগৰিকত্ব আছে। তেওঁ মানহাটনাৰ ইষ্ট ভিলেজত তেওঁৰ স্বামী মাইকেল কেৰি, যি হৈছে এগৰাকী গাগোচিয়ান গেলেৰীৰ কলা কিউৰেটৰ, লগত বাস কৰে।

• Shuggie Bain: A Novel. প্ৰকাশক New York: Grove Press. 2020. ISBN 978-0-8021-4804-9. . UK, Picador.