Spyr

Spyr
Systematik
Chlass: Vögel (Aves) Ordnig: Seglervögel (Apodiformes) Familie: Segler (Apodidae) Gattig: Apus Art: Spyr
Wüsseschaftlige Name
Apus apus
Linnaeus, 1758
Underart
Apus apus apus (LINNEAUS, 1758) Apus apus pekinensis (SWINHOE, 1870)

De Spyr (Apus apus; alemanischi Näme) isch e Zugvogel, wo in Mitteleuropa nu chorz bliibt zom Brüete. De Spyr isch an vo de letschte Zugvögel wo nördlich vo de Alpe iitreffet, nämli erst im iigende Mai und er zücht im uusgeende Juli as erste wider ab. I de Alpe chunnt er bis 2100 müM vor. Öberwintere tüend Spyre z Afrika. De Spyr werd hüüffig mit de Schwalbe verwechslet.

De Spyr isch e schwarzbruune Vogel mit lange sichelförmige Flögel. Er het e wiissi Brust und e chorze gablete Schwanz. Mandli und Wiibli gsiend gliich uus. Spyre wered 16 bis 18 cm groos und hend de Spannwiiti vo 40 bis 44 cm. Si wöget 36 bis 50 Gramm.

Spyre lebet so vil si chönd i de Luft und verbringet au d Nacht hööch i de Luft und schloofet sogäär bim Flüüge, sogär paare tüend si sich i de Luft. Im Summer chönd si wiit obe im Himmel - bis zo 3000 Meter - i groose Gruppe biobachtet und ghört were, wie si Insekte jaget. S werd gsait, as s Wetter guet weri, wenn si hööch flüügit und schlecht, wenn si tüüf flüügit. Spyre chönd notfalls zee Tag oni Naarig sii.

Brüete tuet er i Sidlige und baut sis Nest so hööch as er cha, under em Tach, i Nische oder i Löcher i de Muur oder im e Nischtchaschte.

• Heinz Staffelbach: Handbuch Schweizer Alpen; Bern 2008.ISBN 978-3-258-06895-4
• Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7

  Commons: Mauersegler – Album mit Multimediadateie

• Apus apus in dr Rote Lischt vu dr gfehrdete Arten vu dr IUCN 2008. Yygstellt vu: BirdLife International, 2008. Abgruefe am 31. Januar 2009