Same vo dr Kichererbse
Kichererbse | ||||||||||||
---|---|---|---|---|---|---|---|---|---|---|---|---|
Systematik | ||||||||||||
| ||||||||||||
Wüsseschaftlige Name | ||||||||||||
Cicer arietinum | ||||||||||||
L. |
D Kichererbse (Cicer arietinum; alemannischi Näme) isch e Nutzpflanze us Chliasie, wo vor alem z Mexiko und z Indie gässe wird.
Kichererbse steled kei grossi Asprüch an Bode und chömed mit wenig Wasser us. I gmässigte Klimazone isch's ne aber z'chalt, drum werded's det chum apflanzt.
Indie isch mit Abstand de gröscht Produzänt mit öppe sächs Milione Tone pro Jahr. Nachane chömed Pakistan, Türggei, Australie, Iran, Myanmar, Kanada, Äthiopie, Mexiko und Irak.
Kichererbse ghöred z Indie und z Mexiko zu de Grundnahrigsmittel. Z Indie werded's vor alem als Dal gässe, das heisst gschelt, i zwei Hälfte gspalte und dänn kochet bis si echli wiänen Brei werded. Me cha si aber au gröstet ässe. Si sind en wichtige Bestandteil vo Falafel und Humus (e orientalischi Paschte) und chömed au im Couscous vor.
D Zämesetzig vo de Kichererbsesame hanget vo verschidne Faktore ab, zum Bispil Bode, Klima und Düngig.
Mittleri Zämesetzig vom Dal | |
Cholehydrat | 64% |
Eiwiiss | 25.5% |
Nahrigsfasere | 8% |
Fett | 5.3% |
Mineralstoff | 3.4% |
De gröscht Teil vo de Cholehydrat isch Stärchi (>50%). De Rescht sind verschidni Zucker und Fasere. D Gelatinisierigstämperatur vo de Stärchi isch 63-68 °C. I de Kichererbse hät's au en rächt höche Ateil a Oligosaccharid, wo Flatulänz verursached. Wänn mer di rohe Erbse vorem Choche iiweicht, werded vil vo dene unerwünschte Zucker im Wasser glöst und dademit cha mer s Problem vo de Flatulänz reduziere.
This article uses material from the Wikipedia Alemannisch article Kichererbse, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.