D Alice Munro (* 10.
Juli">10. Juli 1931 z Faken, Ontario as Alice Ann Laidlaw) isch e kanadischi Schriftstelleri. Mit ihrem umfangryche verzellerische Wärch isch si z Kanada un im angelsächsische Sprochraum e Bestsellerautori. D Munro isch mit e Huffe Bryys uuszaichnet wore, unter anderem anne 2009 mit em Man Booker International Prize. Am 10. Oktober 2013 isch ere dr Nobelbryys fir Literatur zuegsproche wore. D Alice Munro läbt z Ontario un z British Columbia.
D Munro isch as eltschti Dochter zämme mit zwai Gschwischtrig uf ere Silberfuchsfarmz in Wingham ufgwachse. Wu si zeh Johr alt gsii isch, isch het ihri Mueter e sälteni Form vu dr Parkinson-Chranket iberchuu. Zwische 1949 un 1951 het si an dr University of Western Ontario Journalismus studiert. Us Gäldmangel het si ihre Studium abbroche, hehet dr Jim Munro ghyrote un het vier Dechtere uf d Wält brocht. Ihri Dochter Sheila Munro het anne 2002 d Chindhaitserinnerige in Lives of Mothers and Daughters: Growing Up With Alice Munro publiziert. Anne 1972 het sich d Munro vu ihrem Mann drännt, vier Johr speter, anne 1976, het si dr Geograf Gerold Fremlin ghyrote.
D Munro het lang mieße warte, vorbe si ne erschti Sammlig vu Verzellige het chenne publiziere. Ihre Debüt Dance of the Happy Shades isch anne 1968 vu dr Kritik begaischteret gfyyrt un uuszaichnet wore. Bishär het si 10 Bänd mit Verzellig uusebrocht.
In The View from Castle Rock verzellt si d Gschicht vu ihre schottische Vorfahre (e entfärnte Vorfahr vun ere isch dr schottisch Dichter James Hogg) un vu ihre aigene Chindhait un Juged z Kanada.
Mit ihre Churzverzellige chnipft d Munro an di angelsächsisch Dradition vu dr Short Stories aa. Ihri Gschichte sin realitetsnoch, abgrindig, uusentimental un hän vilmol e uffige Schluss.
Zuesätzli sin Best-of-Bänd publiziert wore:
Dä Artikel basiert uff ere fräie Übersetzig vum Artikel „Alice_Munro“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Alice Munro, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.