კრიშტიანუ რონალდუ დუშ სანტუშ ავეირუ (პორტ.
5 ფურთუთა, 1985) — პორტუგალიარი მოკუჩხბურთე, თეჟამო იუვენტუსის ლაჸაფენს. რონალდუ რე პორტუგალიაშ ერუაული ოკუჩხბურთე ნაკორობაშ მაკათური დო კაპიტანი. მოგებული აფჷ 2016 წანაშ ევროპაშ ჩემპიონატი, ჩემპიონეფიშ ლიგა 5-შა (2007–08, 2013–14, 2015–16, 2016–17, 2017–18) დო ორქოშ ბურთი 5-შა (2008, 2013, 2014, 2016, 2017).
Cristiano Ronaldo | ||
დორხველი მუნაჩემეფი | ||
დაბ. თარიღი | 5 ფურთუთა, 1985 | |
დაბ. აბანი | ფუნშალი, პორტუგალია | |
სიმაღალა | 187 სმ. | |
პოზიცია | ფორვარდი | |
ინფორმაცია კლუბიშ გეშა | ||
კლუბი | იუვენტუსი | |
ნომერი | 7 |
ბაღანობაშე რონალდუშ საჸოროფო ბუნა რდჷ ლისაბონიშ "ბენიფიკა". 8 წანერი რონალდუ ლაჸაფენდჷ "ანდორინიას", სოჸურეშეთ 1995 წანას გეგნორთჷ "ნასიონალშა", ნამუწკჷმა ართო პორტუგალიაშ ახალნორდული ჩემპიონატი მიიგჷ. 2 წანაშ უკული პორტუგალიაშ ართ-ართი უუჯგუშაში ბუნაშა - ლისაბონიშ "სპორტინიგშა" გეგნორთჷ. მაართა ლაჸაფის კრიშტიანუქ "მორეირენსეს" 2 გოლი გემთუუღჷ. 2003 წანას მუჟამუთ "სპორტინგი" ოლაჸაფუდჷ "მანჩესტერ იუნაიტედისჷნ", კრიშტიანუშ ლაჸაფიქ მეწონჷ სერ ალექს ფერგიუსონს, ოდო მუშ ბუნაშა გეგნიჸუნჷ, მუქჷთ დოუზოჯჷ "მანჩესტერს" 12,24 მილიონ ევროქ.
რონალდუშ დებიუტი რდჷ "ბოლტონწკჷმა", მუჟამსჷთ ლაჸაფშა მა-60 წუნს მიშართჷ. 2005 წანაშ სეზონს რონალდუქ გემთიიღჷ 10 გოლი, "იუნაიტედიშ" ფანეფქ გეგნოჩეს წანაშ არძაში უჯგუში მოლაჸაფეშ პრიზი.
2006 წანას გჷმათუთაშ დო გერგობათუთაშ თუთეფიშ პრემიერლიგაშ არძაშ უჯგუში მოლაჸაფეთ კოროცხეს, თე წანას "მანჩესტერ იუნატედიქ" პრემიერლიგა მიიგჷ.
2007 წანას რონალდუ პრემიერლიგაშ არძოშ უმოს მაღალანაზღაურებადი მოლაჸაფე რდჷ.
2007 წანას პორტუგალიარქ კაკაშ უკული, ორქოშ ბურთიშ ლაურეატობაშე მაჟირა აბანი ეჭოფჷ.
2007-2008 წანაშ ჩემპიონეფიშ ლიგაშ ფინალს რონალდუქ მაართა გოლი გემთიიღჷ, ოეკონიე ჯამს "მანჩესტერქ" მიიგჷ თასი პენალტეფიშ სერიათ, 6-5.
2008 წანას კრიშტიანუ რონალდუქ სეზონიშ ბომბარდირიშ ორქოშ ბუციშ პრიზი მიიგჷ.
2003–2009 წანეფს რონალდუქ "მანჩესტერიშ" ჯოხოთ ილაჸაფჷ 196-შა, თაჸურეშე 84 გოლი აფუ მითოღალირი.
2009 წანაშ 26 მანგის ოფიციალურო დედასურჷ ინფორმაციაქ რონალდუშ "რეალ მადრიდშა" ტრანსფერიშ გეშა. მობურთექ ახალ კლუბიწკჷმა 6-წანიან კონტრაქტის მაჭარჷ ხე. 2010-11 წანეფიშ სეზონს მუს სარეკორდო მაძირაფალი უღუდჷ - 40 გოლი ლა ლიგას.
This article uses material from the Wikipedia მარგალური (Margaluri) article კრიშტიანუ რონალდუ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.