第20屆以色列議會選舉喺2015年3月17號舉行。
第20屆以色列議會選舉 | |||||||||||
---|---|---|---|---|---|---|---|---|---|---|---|
以色列選舉政治專題 | |||||||||||
‹ 2013 • • 2019 › | |||||||||||
2015年3月17號 | |||||||||||
選舉類型 | 國會 | ||||||||||
議席數目 | 120 | ||||||||||
選舉席次 | 120 | ||||||||||
選舉統計 | |||||||||||
選民人數 | 5,881,696 | ||||||||||
總投票數 | 4,253,336 | ||||||||||
總投票百分比 | |||||||||||
72.36% | |||||||||||
内塔尼亞胡-利庫德集團 | |||||||||||
獲得議席 | 30 ▲ 12 | ||||||||||
23.34% | |||||||||||
赫爾佐克-猶太復國主義者聯盟 | |||||||||||
獲得議席 | 24 ▲ 5 | ||||||||||
18.73% | |||||||||||
以色列總理 | |||||||||||
喺2014年11月至12月左右,利庫德集團同猶太復國主義者聯盟雙方之間因為國家預算產生咗嚴重分歧。搞到12月2號利庫德集團宣布《解散議會法案》,而投票日就初步定喺12月8號。
12月3號,《解議會散法案》一讀,八十四票贊成對零票反對,有一票棄權。
12月8號,第二同三讀以九十三票贊成對零票反對通過。議長尤利·埃德爾斯坦就選舉日期召開會議,利庫德集團同猶太復國主義者聯盟就想3月10號選、工黨就要求喺3月17號選、沙斯黨同聖經猶太教聯盟就想3月24號選,而阿方就要求將選舉推遲到五月。最後確定咗3月17號舉行。
2015年2月,總理內塔尼亞胡因為執政利庫德集團嘅一條競選廣告被人告上法庭。而競選廣告一開頭就模仿咗「伊斯蘭國」嘅旗幟,跟住就打出字句「轉左」即係向恐怖主義低頭,暗示如果中間偏左陣營喺選舉入面贏出,「伊斯蘭國」就會喺以色列抬頭,呼籲選民要支持右翼嘅利庫德集團,支持總理內塔尼亞胡。
廣告喺2月14號攞上網冇耐就好快引起爭議。因為廣告背景歌腦咗一支由約旦流行樂隊組合,佢哋話內塔尼亞胡嘅政黨冇得到佢哋嘅同意就攞佢哋首曲,同賊仔冇分別。而呢支四人樂隊,成員都係巴勒斯坦難民嘅後代,本身就唔支持以色列政府,亦反對「伊斯蘭國」嘅所作所為。樂隊創立人話廣告將佢哋嘅歌同「伊斯蘭國」扯上關係,擔心會受到其他反對「伊斯蘭國」嘅人嚟報復,樂隊已經入稟以色列法院申請禁止佢哋再用呢首歌,而以色列總理內塔尼亞胡同利庫德集團就暫時冇回應。
由現任總理內塔尼亞胡嘅利庫德集團大勝,但係攞唔到過半數議席,要搵人嚟籌組聯合政府,預料內塔尼亞胡會聯同其他傳統右翼同宗教盟友嚟組黨,內塔尼亞胡就想拉攏前利庫德集團成員卡隆領導嘅中間派庫拉努黨,呢個黨喺呢次選舉攞咗十席,而卡隆早前話入閣條件係要做新政府嘅財長。
票站調查結果出爐冇耐,內塔尼亞胡就喺佢領導嘅利庫德集團總部同支持者會面,宣布贏出:「排除萬難,我哋為利庫德集團攞到大勝,利庫德集團帶領國家陣營嘅大勝。」
根據中央選舉委員會嘅初步點票結果,執政嘅利庫德集團喺國會百二席入面攞到三十席,而主要對手中間偏左嘅猶太復國主義者聯盟就少六席比預期嘅差。而猶太復國主義者聯盟領袖赫爾佐克就認輸,並且已經打電話畀內塔尼亞胡祝賀,同埋赫爾佐克強調唔會加入新政府,會繼續做反對派監督政府。
This article uses material from the Wikipedia 粵語 article 第20屆以色列議會選舉, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.