千禧島

千禧島（粵拼：cin1 hei1 dou2；英文：Millennium Island），又嗌千年島（cin1 nin4 dou2）、加路連島（英文：Caroline Island），係中太平洋一島，亦係線島群島東南邊一珊瑚礁。家下佢既係大洋洲基里巴斯最東邊嘅地方，又係全球時區最快嘅地方。喺一日24小時當中，最先踏入新嘅一日開始，及每年踏入新年同最先由佢攞正。

最初發現

呢個島最先發現時間有得拗，據歷史記載，最先係由麥哲倫喺1521年2月4號搭緊帆船搞環球海上航行發現，另一個記錄係1606年2月21號由皮德羅費南迪斯迪圭羅斯（葡萄牙文：Pedro Fernández de Quirós）發現。1795年12月16號俾英國首領威廉羅拔布頓（英文：William Robert Broughton）發現呢個珊瑚礁時將佢改名做「卡露蓮娜島」，主要係紀念英國海軍部隊長——菲臘史提芬子爵，巴朗一世（英文：Sir Philip Stephens, 1st Baronet）嘅女。之後亦喺1821年、1825年同1835年先後由英國嘅當頓島號船隻，美國軍隊啲軍艦行經中太平洋時又再次發現呢個珊瑚礁。不過好少有同佢相關嘅歷史記載。

不過拗數開始出現，大溪地班居民話佢哋最先喺1846年喺嗰個珊瑚礁入面賣椰子籽做擺攤。1868年俾英國皇家軍隊話發現呢個島先重記錄咗27位居民喺個島嘅南伊斯勒地區定居，重喺1872～1881年租畀英聯邦政府，1885年雖然有生產椰子嘅計劃，但英聯邦負責種啲椰子樹因爲冚唪唥出現病變死嗮而撤銷咗噉嘅計劃。原先島上淨低嗰六位波利尼西亞居民亦俾英聯邦政府定居到紐埃一帶。

而個島之所以後嚟變成「卡露蓮」個名，係喺1883年5月6號，美國天文學家從秘魯出發探索日食時，無意中發現咗呢個珊瑚礁兼俾美國軍隊記低，後嚟當晚約翰帕利薩探索小行星時將呢個珊瑚礁名改名做「卡露蓮島」，目的係爲咗記得佢探索過呢個島。

人口太少甚至一度成爲無人島

喺1868～1915年間，呢個島亦屬太平洋嘅無人島之一，直到1916年先至出現新嘅定居居民，主要都係生產同出口椰子籽為主。只不過因人口太少兼陷入債務危機而搞唔成。1926年減少到得返10位人口，直到1930年代尾淨低最後兩位大溪地居民都離開呢個島唔再喺度居留。直到1946年9月先至有史書記載得一個大溪地嘅家庭喺卡露蓮島住。1972年重俾英聯邦政府納入到吉爾伯特及埃利斯群島一部份直到1976年元旦分拆出去爲止。

成爲基里巴斯最東地方

1979年，因基里巴斯獨立，吉爾伯特群島亦成爲基里巴斯一部份，而卡露蓮島成爲基里巴斯最東邊嘅地方。基里巴斯政府本嚟諗住喺美國手頭攞返瓜諾島周邊啲地方，但因爲有條達維華條約劃咗出去。1987～1991年間又再次成爲無人島。

時區嘅調整

 

基里巴斯獨立之後，基里巴斯共和國一直喺UTC-12、UTC-11、UTC-10呢三個時區入面，其中卡露蓮島屬UTC-10。直到1994年12月23號，基里巴斯總統考慮到國內因爲喺國際日期變更線附近，加上國內橫跨東西半球，爲咗解决成日出現兩個唔同日期嘅情況而統一修改時區，改到UTC+12、UTC+13、UTC+14呢三個時區入面。正因爲噉而出現咗UTC+14嘅新時區。期間總統重宣佈從1994年12月30號深夜開始，跳過1994年12月31號當日直接到達1995年元旦。正因爲噉改，卡露蓮島亦成爲地球上最早過新年嘅地方，基里巴斯亦成爲全球第一個睇到日出嘅國家。

後嚟好多紐西蘭同俄羅斯楚科奇半島一帶啲居民都唔知基里巴斯修改時區嘅大事，加上基里巴斯官方都唔想成爲21世紀第一個睇到第一縷陽光嘅地方。喺湯加同紐西蘭嘅漆咸群島都反對基里巴斯政府單方面做出噉嘅所為，話侵犯兼扼殺咗最先睇到21世紀第一縷陽光嘅地方權益。不過基里巴斯政府唔啋，1999年底，由於要籌劃要慶祝人類踏入新千年階段兼慶祝千禧年，卡露蓮島亦俾基里巴斯官方改名做「千禧島」。雖然佢係無人島，但佢派咗一大堆基里巴斯啲娛樂明星同總統一齊去個島上面慶祝人類踏入21世紀階段。同年大除夕，有超過70位基里巴斯嘅歌手同舞蹈家從首都南達維華出發到千禧島。當日深夜，大概有25位記者陪同向全球範圍衛星直播千禧島嘅大除夕倒數嚟迎接21世紀、人類新千年同千禧年嘅殺到。就喺當晚深夜到第二日凌晨，估計全球有超過1,000,000,000人收睇咗噉嘅電視直播。

不過唔理媒體定政府都反對基里巴斯政府單方面做出嘅「調整時區」所爲，喺2000年1月1號當地時間朝頭早（UTC+14），千禧島亦冇辦法成爲地球第一個地方睇到日出。其實21世紀最早睇到第一縷陽光嘅地方係南極洲東邊，迪布冰川到維多灣嘅海邊（66°03′S 135°53′E / 66.050°S 135.883°E / -66.050; 135.883），嗰邊比千禧島重要早35分鐘出太陽。因爲嗰個位唔單止距離南極圈最近冇極晝同極夜嘅地方，而且嗰帶屬南極圈周邊北邊些少，周邊從每年12月開始到第二年3月都有極晝響度，加上已經從大氣折射原理角度嚟睇，究竟係幾時日出定日落都有明確嘅位搞清楚。

千禧島喺線島群島最東南偏南嘅㞘位，喺夏威夷群島南邊1.5Mm地方。佢嘅珊瑚礁面積先至得3.76km²咁細。若果計埋乾地、環礁湖同埋珊瑚島平地，總面積先至得24km²。成個島海拔先至得6m到。根據國際日期變更線經過嘅途徑，佢咁啱喺條綫嘅西邊隔籬，佢亦成爲地球上最東邊嘅陸地。島上邊冇任何新鮮水源，即使係南伊斯勒地區都要靠地下水先至得，只不過當地啲人要臨時搭個井先至飲到新鮮嘅水。當地嘅土地資源亦非常之少，淨得沙同碎石，即使係森林最密集嘅地方，泥地嘅厚度先至得唔夠10cm到。佢亦都係地球上最偏遠嘅島之一，距離以下呢啲城市嘅距離同時差都有咁上下到：

千禧島同成個基里巴斯共和國一樣，都係屬於熱帶雨林氣候。雖然佢好少見到有關氣象記錄，但係成年温度介乎喺28～32℃。雖然佢喺氣候變化好多嘅地方，但係亦有年平均1500mm嘅降雨量記錄。另外，佢有0.5m嘅漲退潮變幅同埋吹東北信風，島角有時都經歷住不平嘅海面漲退潮啲事。

註

攷