伊蘇－起源
伊蘇－起源（英文：Ys ORIGIN；日文：イース・オリジン(Īsu Orijin)），臺版又譯伊蘇：始源，中國大陸嘅山寨廠商又嗌永遠的伊蘇Ⅷ（2007～2012年）或永遠的伊蘇·起源（2012年～而家），係日本Falcom屬下嘅動作類遊戲，亦係Falcom公司拎咗《伊蘇Ⅵ》嘅引擎，重攞埋《伊蘇－菲爾加納誓約》PC版呢兩個遊戲結合而成嘅RPG類遊戲作品。家下喺Windows、XBOX One、PS4同PSV平台先至有得玩。
| 伊蘇－起源 | |
|---|---|
| Ys ORIGIN | |
| 類型 | 動作、RPG |
| 平台 | Microsoft Windows、Xbox One、PS4、PSV、NX |
| 整 | Falcom |
| 發行 |
|
| 總監 | 近藤季洋 |
| 編劇 | 竹入久喜 坂本信一郎 根田祥弘 |
| 系列 | 伊蘇 |
| 模式 | 單人 |
| 發行日期 | Microsoft Windows
|
| 分級 |        |
呢個遊戲最先發佈PC版。其中日文版喺2006年12月26號發佈，由Falcom代理；而簡體中文版喺2008年1月18號有得賣，由娛樂通代理；繁體中文版喺2008年1月28號有得賣，由英特衛代理；韓文版喺2007年6月12號有得賣，由FROG代理；而英文版喺2012年5月31號發售，由XSEED GAMES代理。另外，PS4版同PSV版分別喺2017年2月21號同埋2017年5月30號發佈；2018年4月11號重發佈埋佢嘅XBOX ONE版；2020年10月1號發佈埋任天堂Switch版。
遊戲系統
呢個遊戲主要由玩家控制角色，靠打怪獸升級嚟打波士，關卡一共有12關，淨得1條命限制。雖然可以通過打怪獸或揼石樽嚟加血，但係打波士唔得。界面方面，左下角係角色嘅血量條、裝備同能量條；雖然右上角有唔跌落設定，但淨限喺VeryEasy同Easy難度先至有。不過遊戲凈限一個玩家去玩。成個遊戲有三個唔同角色可以揀，其中鋼爪之男唔可以喺未打爆故事模式之前冇得揀。場景淨得10個，分別係蒼哭、水獄、咎火、默砂、瘴血同埋魔核呢六個領域同埋幻光之狹間、塔底同塔頂、拉多塔。關卡方面：
| 指定角色 | 關卡數 | |||||||||||
|---|---|---|---|---|---|---|---|---|---|---|---|---|
| 1 | 2 | 3 | 4 | 5 | 6 | 7 | 8 | 9 | 10 | 11 | 12 | |
| 優妮卡·托娃 | I B | D | B | I | I B D | I | H | B H M | H | H B M | ||
| 曉高·法特 | I B M | I | B | I | I B | I | D | B H | H | M | H | H B M |
| 多爾·法特 | I B | B | D I B M | I | D B | D | D H | D | H | B M | H | H B M S |
| 表註 | D——有回顧劇情 B——有暴力傾向 S——有波士連戰 I——有介紹劇情 | |||||||||||
隱藏要素同難度嘅演變史
2006年12月26號，呢個遊戲嘅日文版正式開始發售，最初係1.0版，嗰時淨得Easy、Normal、Hard三個難度，而且打爆咗優妮卡同曉高先至有魔人多爾，而淨低嘅Time Attack模式要三位角色都打爆嗮機先至得。早期嗰版唔單止玩爆三位角色就冇嘢玩，相反每個場景嘅背景音樂淨播一次就冇。後嚟Windows Vista喺2007年1月30號出街大賣之後出現兼容性問題，2007年3月14號宣佈更新，同年月29號亦出咗對應嘅Vista版，嗰時更新到1.1版。喺1.1版修改咗好多內容，其中Time Attack模式修改到打爆優妮卡或曉高是但一位就有得解鎖；魔人多爾同1.0版一樣要打爆兩位主人公嘅劇情模式先至有；三位主人公打爆之後重多埋女神商舖同競技場模式兩樣，而且喺競技場同Time Attack兩個模式多咗位阿多爾玩；場景嘅背景音樂亦改成循環播放版；難度方面，喺故事模式多咗Very Easy同Nightmare兩個，而Time Attack模式淨多咗Nightmare一個；不過女神商店全解鎖要打爆嗮三位角色夾埋15個難度先至得。2012年10月6號因Windows 8出版嘅關係，官方亦喺2013年1月25號宣佈咗更新，同年3月22號亦出咗對應嘅Win8版。而Win8版淨多咗兩樣：就係多咗校窄闊屏顯示同屏幕黑邊補償問題，重將解鎖魔人多爾嘅權限降到打爆咗優妮卡或曉高是但一個先至有。而海外發佈嘅PS4同PSV版多咗成就功能，尤其係女神商店全解鎖呢樣，佢唔再限制喺「打爆嗮三位角色夾埋15個難度」嘅條件。
主角色
| 主要角色 | 介紹 | ||
|---|---|---|---|
| 日文 | 英文 | 粵譯 | |
| ユニカ・トバ | Yunica Tovah | 優妮卡托娃 | 六神官嘅女，帶住粉紅花瓣，天生唔識用魔法，淨識揸斧頭做戰具。 |
| ユーゴ・ファクト | Hugo Fukt／Hugo Fact | 曉高法特 | 六神官嘅魔術師，成日用法特之眼做法術，有「天才魔導士」嘅稱呼。 |
| トール・ファクト | Thor Fukt／Thor Fact | 多爾法特 | 女神搜索隊敵對陣入面嘅謎團角色，有「鋼爪之男」嘅稱呼。 |
裝備同等級
呢個遊戲嘅故事模式入面，每位角色最高淨畀練到60級，不過喺最終波士嘅應戰等級去到49～50級就可以打得。啲寶石、羅達之果同武具升級裝備、武器、防具、首飾、必備道具要打開喺半佬發現啲箱先至有。寶箱入面搵到嘅對應寶石分別係祖母綠（風）、黃玉（雷）同紅寶石（火）三樣，每個對應寶石最高淨強化到4級。最後一次餵寵物時重可以學到爆發技。
對應技能
普通技
- 優妮卡
| 屬性 | 技能名 | 效果 | 特效 |
|---|---|---|---|
| 風 | 旋風之技 | 發出旋風嘅同時亦喐得兼有攻擊性。造到最大氣後發動攻擊時有比較犀利嘅攻擊性。 | 一般版：大圈旋風×1 水手版：大圈旋風×1＋細圈旋風×4（成正方形） |
| 雷 | 金剛之技 | 發出帶有雷屬性嘅衝擊柱。造到最大氣後發動攻擊時有比較犀利嘅攻擊性。發動期間有段時間係格擋敵人攻擊。 | 一般版：（未造氣）雷衝擊柱×1，（已造氣）雷衝擊柱×4。 Ex版：（未造氣）雷衝擊柱×4，（已造氣）雷衝擊柱×6。 |
| 火 | 紅蓮之技 | 喺劍前邊射火焰出去。造到最大氣後發動攻擊時有比較犀利嘅攻擊性。 | 樣似火鳳凰，未造氣時發動後，個樣比較細；造氣後發動後，個樣比較大。不過攻擊速度比較慢，攻擊力：未造氣＝已造氣×1.1。 |
- 曉高
| 屬性 | 技能名 | 效果 | 特效 |
|---|---|---|---|
| 風 | 結界之技 | 擘開風屬性結界，可以格擋1次敵人攻擊。造到最大氣後可以發動重犀利啲嘅結界，可以格擋2次敵人攻擊。不過唔理有冇造氣，7秒後結界識自動消失。 | |
| 雷 | 爆雷之技 | 發動有比較大爆炸力嘅炸彈魔法波。造到最大氣後發動攻擊時有比較犀利嘅攻擊性。 | 未造氣時放出炸彈兼爆炸後，爆裂色屬紫紅到黃白之間；造氣後放出炸彈兼爆炸後，除咗開着爆發技之外，其它爆裂色屬黑藍到紫白之間，爆裂範圍比較大。 |
| 火 | 火輪之技 | 用火焰環繞法特眼嚟轉。攞咗高啲等級嘅寶石後，造到最大氣後重識發動噴火技。 | 一般版：（未造氣）火焰眼×2，（已造氣）火焰眼×4。 Ex版：（未造氣）火焰眼×4，（已造氣）火焰眼×8。 |
- 多爾
| 屬性 | 技能名 | 效果 | 特效 |
|---|---|---|---|
| 風 | 神速之技 | 可以快速移動，跳起時嘅飛行距離加長。造到最大氣後快速移動得重遠距離。 | 快速移動期間係無敵嘅，重可以向敵人發動攻擊。除非撳指定方向掣，唔係嘅話直接向最近嘅敵人發動攻擊。 |
| 雷 | 雷爪之技 | 發動帶有雷屬性嘅爆爪技。造到最大氣後發動攻擊時有比較犀利嘅攻擊性。佢對硬殼怪嘅傷害非常之有效兼可以吸收怪獸嘅血量嚟加返自己血。 | （未造氣）比較矇嘅圓圈特效 （造氣後）好大嘅紫色圓形帶內外白邊嘅環形（高清），入面有花紋。 |
| 火 | 劫火之技 | 用火焰扱冚成身嚟發動上升攻擊。造到最大氣後發動攻擊時有比較大範圍嘅攻擊性。喺上升攻擊期間有防禦效果。 | 一般狀態時，爆裂色屬紅兼有半透明效果；魔人化後，爆裂色雖屬紫黑到白嘅漸變，但不透明度去到100%。角色背脊有些少半透明嘅蝙蝠效果。 |
爆發技
呢個遊戲要玩到第9關差唔多打波士先至學到爆發技，佢要喺爆氣之後差唔多用嗮之前再爆多次氣就有。喺爆發技期間，控制角色屬無敵狀態。
| 指定角色 | 效果 | 特效 | 固定 | 時長 |
|---|---|---|---|---|
| 優妮卡 | 以自己做中心嚟發動強力範圍攻擊 | 一個橙到黃漸變嘅圓形，上下左右四點各有個橙色兼凸出嘅正四棱錐，周邊有金色特效嘅爆炸效果。 | √ | 3.71s |
| 曉高 | 擘開強大嘅攻擊力膜 | 一個紫靛球體，四圍有紫色銳角三角形圍住（中間四個識旋轉），成個球體周邊有類似特斯拉嘅發電效果。 | × | 7.64s |
| 多爾 | 向前面發動強力衝擊波 | 白底帶紫色羽化邊嘅直線，入面分拆成幾個圖層，每個圖層闊度成先窄後闊嘅狀態兼圖層之間有唔相連跡象。 | × | 3.25s |
| 阿多爾 | 白底帶藍綠色羽化邊，成一嘅直線，似圓筒。成個樣似激光炮噉。 | √ |
問題
呢個遊戲總體嚟講，唔理係日文原版定中文、英文版，都出現一系列問題。尤其係第11關嘅波士地方——魔王之座，唔理邊個國家話版都冇喺遊戲屏幕左上角顯示地名出嚟。而故仔模式入面，喺魔人多爾綫，出現過每次入下一領域都唔會喺遊戲屏幕左上角顯示地名，亦出現可以跳過第一關波士同第二關嘅優妮卡俾多爾搏冧、第九關攞對講機道具嘅劇情；而優妮卡托娃綫，試過喺打死第三關波士後突然可以召喚到菜單返去起點，之後當波士冇打過嘅現象；及打緊第二關波士時出現波士循環停留喺同一動作。而曉高法特綫，喺第八關被魔化後再打死波士時出現角色同時死亡嘅話，繼續嘅劇情期間又突然彈出GAME OVER或艾波娜接受咗石化之後突然提示GAME OVER嘅搞笑問題。另外，喺曉高法特綫，正常遊戲情況下喺第八關劇情完咗之後，雖然有攞到曙光守護石，但遊戲完全冇提示攞到相關道具嘅情況。
日文版
遊戲喺2006年12月26號發佈之後，嗰時電腦最新嘅主流操作系統係Windows XP，出版商冇考慮到Windows Vista喺度出緊版，後嚟遊戲出現bug及太無聊兼Windows Vista喺差唔多迎接平成十九年農曆新年時突然出街賣，結果先後喺2007年3月14號宣佈更新到對應嘅Vista版；2013年3月22號亦發佈咗對應嘅Win8版，嗰時遊戲嘅版本一直穩定落嚟。不過隨住微軟官方喺2015年7月29號宣佈發佈Windows 10出街之後，由於Falcom公司喺2014年將整遊戲嘅心思放到PS4同PSV、Switch嗰邊，所以PC版一直冇再更新到Win10版。家下喺Windows 10平台玩呢個遊戲都要校「以兼容模式運行」先至得。
中文版
呢個遊戲日文版啱發佈無耐，中國大陸啲山寨廠商可謂諗盡辦法玩呢個遊戲。結果攞咗呢鉼帶嘅日文1.0版嚟搞，重打住「永遠的伊蘇Ⅷ國際中文版」個名嚟賣，雖然嗰時山寨廠商話伊蘇－起源有漢化版，但實質上係流嘢。因爲嗰鉼嘢雖然漢化咗設定，但冇漢化劇情。喺Ghost XP系統成日出現遊戲界面大面積亂碼情況。直到2007年12月29號，北京娛樂通宣佈咗伊蘇O嘅發售日期兼透露咗佢嘅豪華版消息，重喺2008年1月18號正式發售佢嘅簡中版，同山寨廠商嘅區別係漢化咗劇情模式兼冇亂碼情況，而且用嘅係日版1.1版（Vista對應版）嘅基礎上嚟漢化。繁中版喺10日後亦相繼發佈，由英特衛代理，豪華版同簡中版差唔多，只不過部份字體同翻譯變咗些少，而激活方式基本上都係用網上激活為主。不過喺發售咗簡中版同繁中版兩個月後隨即被破解咗。家下呢鉼嘢喺東亞地區啲正版遊戲機市場基本上絕嗮版。
自從歡樂百世喺2012年7月26號代理咗伊蘇Ⅶ同埋Falcom廠商喺2016年7月21號出版咗正式嘅伊蘇Ⅷ後，中國大陸啲山寨廠商都唔將呢個遊戲嗌做「永遠的伊蘇Ⅷ」，而係改嗌「永遠的伊蘇·起源」。
英文版
呢個遊戲喺準備發佈英文版之前，曾經俾部份識英文啲歐美玩家話「亂譯」而笑餐飽。主要係Falcom廠商發佈呢個遊戲時冇考慮到歐美文化同英文用家嘅問題，後嚟HUDSON SOFT代理準備發佈英文版時先至考慮到原廠寫嘅「Fukt」個名有鬧人嫌疑而改成比較中性嘅「Fact」先至消除質疑，隨後委託畀XSEED GAMES負責發售。
有關活動
喺17173屬下嘅第六屆動漫遊戲嘉年華出現過
2008年7月26～27號，喺廣州越秀區嘅光明廣場舉辦嘅第六屆動漫遊戲嘉年華（17173代理）出現過呢個遊戲嘅綵排，重試過攞咗第三位。
註同攷
- 註
- 攷
出面網頁
- 伊蘇－起源嘅官方網站 （Falcom原版）
- 伊蘇－起源嘅官方網站 （英文版）
This article uses material from the Wikipedia 粵語 article 伊蘇－起源, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈；可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.