蘇雅琳: 香港女歌手

蘇雅琳喺香港出世，喺藍田聖保祿中學同香港專上學院健康學畢業。蘇雅琳曾經讀香港中文大學護理系。因為蘇雅琳喺2021年6月參加ViuTV選秀節目《全民造星IV》，所以喺節目中途喺香港中文大學護理系退學。

參加《全民造星IV》

蘇雅琳喺2021年6月參加ViuTV搞嘅真人騷選秀《全民造星IV》，參賽號碼係1。

喺前哨戰時，蘇雅琳表演跳唱《Good Time》並獲得評判一致投票，擊敗28號參賽者王家晴，跟住晉身60強同埋加入梁祖堯導師組別。而60強首輪分組對決時，同隊員沈貞巧、黃雅慧、余嘉熙、林暐翹、楊芷程組成一隊，喺在自選表演以戲劇形式表演《六條金魚》，而指定歌曲表演《BOSS》，並擊敗A組，晉身40強。喺40強，就同黃雅慧、余潔滢、何榛綦，自選項目係用童年遊戲融入歌曲同演出《猜‧情‧尋》，喺指定項目演譯《狂人日記》，最終輸畀A組，但由於蘇雅琳唔喺死亡名單，最終未被淘汰，並躋身30強。到30強嘅比賽中，蘇雅琳有份出演《浮雕》、《未知道》及《勞斯.萊斯》。其中喺《勞斯.萊斯》中飾演主角勞斯，憑住佢同林暐翹嘅精彩演出，最終贏得評判認同獲勝。喺25強賽，A組同B組拆散並重新分組，蘇雅琳聯同邱彥筒、李芯駖、黃斯琪、穎蕎被編入一組，導師係MIRROR成員江𤒹生，演譯原創歌曲《I don't need that》，分數係248分，喺五組排名第三，五位成員就晉身《全民造星IV》總決賽。

喺2021年12月25號《全民造星IV》總決賽，蘇雅琳演譯一首歌曲《勿念》同埋一場跳舞對決，最終喺觀眾分攞第六名、評判分攞第十六名，夾埋總成績攞到第十名。

COLLAR時期

喺2022年1月12號夜晚六點半，ViuTV喺香港尖沙咀海港城海運觀點舉辦嘅《Hold Your Breath》官方香港女子組合出道記者會宣佈蘇雅琳成為COLLAR成員。

2023年，佢喺ViuTV劇集《和解在後》頭一次演出就已經擔正做女主角。

電視劇（ViuTV）

電視節目（ViuTV）

YouTube影片（ViuTV）

參與拍攝嘅音樂錄像（MV）

• 官方擁躉名係叫「蘇蝦」
• 曾透露中學時期鍾意台灣歌手蕭敬騰嘅歌