中國大陸人口

唔平均嘅分佈

中國人口分佈並唔平均，東南沿海地區人口密集，而以新疆、西藏、內蒙古為主嘅西部地區就人口稀少，東北地區人口更呈現明顯減少趨勢。由於地區經濟發展水平唔均衡，中國擁有全球規模最大嘅流動人口，2020年流動人口規模近3.8億人。

少子化同人口老齡化問題

中國政府實行過於激進嘅計劃生育，雖然大大減緩了中國人口總量的進一步增長，但是卻也帶來了人口老齡化、侵犯人權等社會問題，性別比亦出現失衡。中國人口生育率已經喺20世紀90年代降低至更替水平以下並持續到而家。中國喺1999年開始進入老齡化社會，亦係世界上老年人口最多嘅國家。 2020年，全國65歲及以上人口比重去到13.50%，人口老齡化程度已高過世界嘅平均水平。

2012年~2022年，中國人口仍然保持慣性增長，年均淨增長400萬左右。有分析認為，中國總人口數量會喺2025年左右達到頂峰，數量介乎14.1億同14.3億之間，並開始逐漸減少。勞動力年齡人口已經喺2012年開始下降，2050年老年人口達到頂峰。

人口數字被指造假

美國同俄羅斯都分別有學者，根據生育以及糧食等相關數字估算，中國人口資料有造假嘅問題。

• 2018年1月，俄羅斯Pikabu網站發表咗一篇名為《中國進行人口資料欺騙》嘅文章，入面引述俄羅斯專家維克多·米哈瓦嘅評論，指基於中國嘅糧食產量同埋進出口資料嘅研究，中國嘅人口無可能係當時官方對外宣佈嘅將近15億人口，實際應該係5－8億之間。
• 喺2021年12月，路透社論壇主持人Jane Lee曾經採訪美國威斯康辛大學研究員易富賢，當中就提到，中國人口並唔係好似中國政府2020年初高喊嘅14億，而係只有12億8千萬人。易富賢質疑，可以隨便生嘅少數族群，2010年嘅生育率都只有1.47，受到一胎化政策等重重限制嘅漢人族群，同時間嘅生育率竟然有1.7、仲高過其他少數族群，不但唔啱邏輯，而且背後更隱藏著地方政府灌水新生人口，以獲得中央資助嘅疑慮。