貓科(Felidae),統稱貓科動物,包括獅子、老虎同貓呢啲動物,係食肉目九個科中最鍾意食肉嘅哺乳動物。第一種貓科動物出現喺大約三千萬年前嘅漸新世,人們更熟悉嘅家貓同人類開始有關連則係喺千年之前。家貓嘅野生種親威:野貓,仍然生存響歐洲、非洲同亞洲東部等地,可惜棲地破壞限制咗居住範圍。家貓同野貓係咪屬於應該分別嘅物種仍然有著好多爭議,但而家大部份嘅分類都會將佢哋視為唔同嘅物種。
貓科 | ||||||||||||
---|---|---|---|---|---|---|---|---|---|---|---|---|
老虎,係最大型嘅貓科動物 | ||||||||||||
物種分類 | ||||||||||||
| ||||||||||||
貓亞科 |
其他貓科動物中知名嘅成員有包括獅子、老虎、豹、美洲豹、美洲獅同獵豹等大貓,以及其他如猞猁、獰貓同短尾貓等野生貓。已滅絕嘅劍齒虎亞科-包含如著名嘅劍齒虎等馬刀齒貓,都係真正嘅貓科動物,而其他如袋劍齒虎同獵貓等相似嘅動物就唔係。
已知現今世上有41種貓科動物,佢哋都源自一千八百萬年前嘅一個共同祖先。依啲物種源自亞洲,且經由陸橋散佈至各洲去。根據發表喺《科學》上,由美國國家癌症研究所嘅Warren Johnson同Stephen O'Brien對粒線體基因同細胞核基因所做嘅研究,確定咗貓嘅祖先喺利用白令陸橋同巴拿馬地峽做咗至少10次洲至洲嘅遷徙(雙向)之間,演化出8個主要嘅世系。其中,豹屬係最古老嘅,而貓屬則係最年輕嘅。佢哋估計大約60%嘅現存物種係喺最近嘅一百萬年內進化出嚟嘅[2]。大多數嘅貓科動物有18或19個染色體倍性。新世界(中南美)中嘅貓有18個染色體倍性,咁可能係導因於兩個較細嘅染色體結合成一個較大嘅染色體之故[3]。
在此發現之前,生物學家大多不能由化石的記錄中建立出貓的分類樹,因為不同物種的化石看起來都很相似,主要是尺度上的不同。
基因研究對貓科嘅分類提出咗一個更精確嘅分類法:
已知最古老嘅真正貓科動物(始貓)生存喺漸新世同始新世嘅時期。響始新世時,佢進化出假貓。假貓被認為係現存兩個亞科同已滅絕嘅劍齒虎亞科等最古老共同祖先。較以馬刀齒貓為知嘅依一群動物於更新世後期開始絕種,包括咗劍齒虎、短劍劍齒虎、恐貓同擬劍齒虎。
This article uses material from the Wikipedia 粵語 article 貓科, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.