燃燒(粵拼:jin4 siu1)係一樣嘢(燃料)同氧化劑(通常係大氣嘅氧)夠熱嘅情況下快速氧化,產生光同熱嘅化學反應,會出現有火焰同煙嘅火。
完全燃燒係指喺有燃料同充足嘅助燃物底行完全進行燃燒反應。當碳氫化合物喺氧氣度燃燒嗰陣,一般會出二氧化碳同水。化學元素喺燃燒嗰陣多數會出氧化物,例如碳會變成二氧化碳、硫會變成二氧化硫,鐵會變成氧化鐵噉。若果助燃物係氧氣,氮一般畀人當做唔會燃燒,但若果助燃物係空氣嘅話,就會形成少量嘅氮氧化物(NOx)。
燃燒之後嘅產物嘅氧化數唔一定係最高,而且形成嘅氧化數同溫度有啦掕。譬如攞硫喺空氣度燒,唔容易形成三氧化硫。喺溫度過咗2,800 °F(1,540 °C)嗰陣,就會開始產生NOx,再高溫啲NOx就多啲。NOx嘅量亦會隨住氧過量嘅比例而唔同。
若果氧氣唔夠(即係唔完全燃燒),就會出一氧化碳,而人一旦吸入過多嘅一氧化碳就會喺一到兩個鐘頭入面暈低。噉係因為一氧化碳喺血度會同血紅蛋白(負責輸送氧氣畀唔同生物組織)反應,因而減慢氧氣輸送嘅速度,令個腦同第啲細胞缺氧,做唔到有氧呼吸。
This article uses material from the Wikipedia 粵語 article 燃燒, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.