俄羅斯-烏克蘭危機

2021－2022年俄羅斯－烏克蘭危機
俄烏戰爭嘅一部分
上：烏克蘭近期形勢圖 下：俄羅斯喺烏克蘭周邊嘅軍事部署     烏克蘭     由俄羅斯同烏東分離分子控制嘅烏克蘭領土
日期： 第一次：2021年3月至4月 第二次：2021年10月到依家 地點： 烏克蘭 狀態： 未完
牽涉到嘅國家
俄羅斯 白俄羅斯 未受到普遍承認嘅實體： 頓涅茨克人民共和國 盧甘斯克人民共和國	烏克蘭
指揮官同領導者
普京 盧卡申科	澤連斯基
兵力
俄羅斯： 900,000（正規軍） 554,000（準軍事部隊） 2,000,000（預備役） 白俄羅斯： 45,350（正規軍） 110,000（準軍事部隊） 289,500（預備役） 頓涅茨克人民共和國： 20,000 盧甘斯克人民共和國： 14,000	Ukraine： 209,000（正規軍） 102,000（準軍事部隊） 900,000（預備役）

俄羅斯嘅軍事行動引發咗一場國際危機，俄羅斯入侵烏克蘭成為各界嘅擔憂。衛星圖片顯示俄軍部署裝甲、導彈同其它重型武器。2021年6月，俄羅斯撤回咗部份駐兵，但到咗10月至11月期間，危機再次升級。到12月，超過10萬個俄羅斯士兵再次喺邊境附近集結。而北約為咗應對俄軍集結，喺愛沙尼亞、立陶宛、拉脫維亞同波蘭部署咗大約4,000個士兵。

今次危機源於持續已久嘅俄烏戰爭，呢場戰爭始於2014年，喺2021年初出現咗升級。2021年12月俄羅斯外交部發表咗一份談判草案，主要內容包括北約要確保烏克蘭唔會成為北約成員國，唔吸收原蘇聯加盟共和國加入北約，北約減少喺東歐嘅駐軍等要求，作為俄羅斯從烏克蘭邊境撤軍嘅條件。而北約就反擊俄羅斯，話對北約成員資格冇否決權，唔同意停止北約嘅擴張，又拒絕俄羅斯嘅要求。之後美國同其它北約成員國警告話，如果俄羅斯入侵烏克蘭，將會對俄展開大規模經濟制裁行動。2022年1月，美國國務卿布林肯同俄羅斯外交部長拉夫羅夫喺日內瓦舉行會談，不過收效甚微，談判唔能夠為緩解俄烏危機起到作用。2022年1月26號，美國同北約以書面正式拒絕俄羅斯提到「北約唔東擴、烏克蘭唔加入」嘅立場。

有分析人士將呢場危機描述為冷戰以嚟最嚴重嘅危機之一。亦有人認為呢場危機類似美蘇冷戰嗰陣嘅古巴導彈危機，更加有人將今次危機視為第三次世界大戰嘅誘因之一。