呢份一覽表列出《中餐廳》第四季冚唪唥嘅期數。呢季節目共12期,喺2020年7月31號首播,到10月16號播完。
集數 (季) | 主題 | 首播日期 |
---|---|---|
1 | 「中餐廳號」啟航了 | 2020年7月31號 |
5位經營合夥人陸續抵達巴東,喺經歷百步梯嘅考驗後,抵達喺巴東旅遊碼頭嘅「中餐廳」號遊輪集結。短暫休整過後,黃曉明宣讀新一季嘅店長手冊。呢季《中餐廳》之旅可概括為「千變萬化」、「美輪美奐」、「成家立業」同「大有可為」4個關鍵詞,即呢季《中餐廳》啟動資金係2000元,5位經營合夥人最終需完成20000元嘅經營目標;郵輪經停每個港口時嘅菜單必須包含10道菜,且每次必須更換5道菜;呢季《中餐廳》需邀請以家庭為單位嘅客人,5位經營合夥人將會喺每個港口收到搵當地居民嘅任務卡;「中餐廳號」遊輪嘅最終目的地係武漢,5位經營合夥人必須喺抵達武漢之前完成經營目標,之後將收到節目組提供嘅鼓勵資金,並將喺武漢搞件有意義嘅事。「中餐廳號」遊輪自巴東出發,穿過三峽大壩、西陵峽同葛洲壩,經過三峽人家、宜昌、荊州、岳陽同赤壁5個經營站,最終抵達武漢,且每站都會有飛行合夥人加盟。喺搵到啟動資金並任命趙麗穎為財務總監後,5位經營合夥人出發買食材同雜物,並完成喺中餐廳嘅第一次晚餐。第二日,「中餐廳號」正式啟航。喺經由三峽升船機通過三峽大壩後,「中餐廳號」順利抵達首個經營站——三峽人家。之後,大家開始為第二日嘅開業做備菜工作,並決定喺嗰晚邀請船長一行一齊試菜。面對緩慢嘅開業籌備進展同埋遲遲無法確定嘅菜單,肩負菜單製作重任嘅趙麗穎產生焦慮。 | ||
2 | 「中餐廳號」營業了 | 2020年8月7號 |
試餐宴結束後,5位經營合夥人根據船長反饋正式開始決議菜單工作。菜單確定後,店長黃曉明同趙麗穎談心,幫趙麗穎解開心結。第二日,5位經營合夥人分為買食材組同攬客組出發為夜晚嘅營業做準備。攬客組因暴雨出師不利,最終淨得6枱客人。嗰晚,中餐廳共接待7枱客人,共計收入2684元。 | ||
3 | 「中餐廳號」夥計們,加油 | 2020年8月14號 |
中餐廳迎嚟喺三峽人家嘅第2個營業日。營業過程入面,餐廳先後經歷咗食材短缺、出菜緩慢、砂煲炸裂等狀況,5位經營合夥人通力合作,將狀況一一解決。客人用餐結束後,店長黃曉明現場進行咗《無價之姐》舞蹈教學。最終,中餐廳共接待9枱客人,共計收入3092元。第二日,「中餐廳號」離開三峽人家,經過西陵峽同葛洲壩,抵達第2個經營站——宜昌。喺買完食材後,5位經營合夥人搞咗場火鍋宴。 | ||
4 | 「中餐廳號」開唱,開張 | 2020年8月21號 |
火鍋宴結束後,中餐廳KTV正式開業,5位經營合夥人得到全面嘅身心放鬆。第二日,《鮮廚100》冠軍馮偉、亞軍卡斯柏以幫廚身份報到。臨近開業,黃曉明、趙麗穎、李浩菲出發去小區敲門攬客,四處碰壁後最終成功邀請到50位客人,而實際到店就餐嘅客人淨得7枱。面對持續增長嘅後廚成本壓力,中餐廳陷入入不敷出嘅困境。截至營業結束,中餐廳共計收入8089元,合計啟動資金並扣除後廚墊付貨款後,共計結餘1068.2元。喺經過財務組同後廚組嘅協商後,林述巍最終決定將買食材嘅任務交畀張亮負責。 | ||
5 | 「中餐廳號」扭虧,為盈之戰 | 2020年8月28號 |
中餐廳迎嚟喺宜昌嘅第2個營業日,餐廳先後經歷咗雞翼未熟、人員超載、匙羹欠缺、燃氣告急等狀況,最終共接待12枱客人,共計收入5113元。第二日,宜昌突降暴雨,但中餐廳依舊接待12枱客人,共計收入6793元。面對14000元以上嘅利潤壓力,店長黃曉明喺復盤會上提出以提升菜品價格嘅方式增加營收。另外,黃曉明重宣佈自己將離開《中餐廳》…… | ||
6 | 「中餐廳號」告別與迎接 | 2020年9月4號 |
「中餐廳號」離開宜昌,抵達第3個經營站——荊州。店長黃曉明已經喺前一晚宣佈自己將會喺第二日暫時離開《中餐廳》,以參加《乘風破浪的姐姐》錄製,並將代理店長一職交畀趙麗穎擔任,5位經營合夥人為呢件事喺荊州搞咗場燒烤宴。第二日,代理店長趙麗穎正式上任,攬客組成功邀請到9枱客人,後續嘅接待工作亦十分順利。嗰晚,中餐廳共計收入7685元。營業結束後,5位經營合夥人含淚送別馮偉、卡斯柏。第二日,「中餐廳號」離開荊州,抵達第4個經營站——岳陽。喺呢個時候,飛行合夥人劉宇寧亦自陸路出發,去到岳陽城陵磯港碼頭同5位經營合夥人會合。 | ||
7 | 「中餐廳號」岳來岳好 | 2020年9月11號 |
店長黃曉明深夜回歸,「中餐廳號」開始喺岳陽嘅營業,嗰日嘅營業實行賣套餐嘅全新經營策略。幫廚劉宇寧喺前台同後廚之間切換自如,後廚出菜效率大幅提升。嗰晚,中餐廳共接待10枱客人,共計收入4060元。第二日,中餐廳以全場半價嘅優惠幅度迎接城陵磯新港區嘅工人到店就餐。 | ||
8 | 「中餐廳號」新成員大挑戰 | 2020年9月18號 |
岳陽營業第2晚,中餐廳共計收入3057.5元。復盤會上,店長黃曉明宣佈「中餐廳號」因天氣原因取消赤壁站經營,岳陽站嘅經營時間同時延長兩日。第二日,店長黃曉明提出加入後廚備菜,並將張亮換去攬客組。正式營業前30分鐘,飛行合夥人楊超越抵達中餐廳。喺首枱客人抵達近1個鐘後,其他7枱客人陸續抵達,而楊超越亦喺經歷點單烏龍事件後順利掌握前台工作。嗰晚,中餐廳共計收入3610元,總利潤21061元,順利完成經營目標。復盤會上,船長同水情專家告知5位經營合夥人同兩位飛行合夥人「中餐廳號」因水位限制無法繼續前行。經由合夥人內部溝通並徵得節目組同意後,節目組最終決定為合夥人配備車輛,並由節目冠名商另外補給80000元資金,供合夥人去到武漢,感恩抗疫工作者。大家將會喺武漢駐留4日,其中第1日將邀請部分抗疫工作者代表搞場答謝宴,第2日進行準備工作,最後兩日為剩返嘅抗疫工作者做盒飯。 | ||
9 | 武漢之約,我們來了 | 2020年9月25號 |
5位經營合夥人同劉宇寧、楊超越一齊打包餐廳入面嘅物品,完成喺「中餐廳號」嘅最後一次晚餐,並喺第2日同船長一行同埋「中餐廳號」告別後出發去武漢。喺呢個時候,第二、三季經營合夥人王俊凱同飛行合夥人杜海濤亦喺武漢搵緊陸上實體餐廳,馮偉、卡斯柏攜好友李子峰、蔡成為答謝宴邀請客人。全部任務完成後,大家喺嗰晚陸續去到新餐廳會合。其間,王佳宇作為節目冠名商代表為中餐廳送去咗80000元獎勵資金。隨後,大家完成喺武漢嘅第一次晚餐,並由店長黃曉明召開喺武漢嘅第一次全體會議,確定後面4日嘅人員分工同答謝宴流程安排,而後廚組亦喺一番爭執後最終確定答謝宴菜單同掌勺人,並舉行咗新餐廳嘅開火儀式。 | ||
10 | 感謝宴好精彩 | 2020年10月2號 |
一切準備就緒,中餐廳答謝宴正式開始,答謝宴標準為兩道前菜同6道主菜(計埋1道湯羹)。晚餐結束後,由杜海濤擔任總策劃嘅文藝演出正式開始。黃曉明帶領後廚天團以舞蹈《無價之姐》開場,王俊凱喺之後現場學唱咗武漢話歌《漢陽門花園》。之後係遊戲環節,黃曉明、趙麗穎分別進行咗兩輪「心有靈犀」遊戲。最後,店長黃曉明代表中餐廳全體經營合夥人致辭,抗疫工作者代表亦一一分享咗自己嘅抗疫故事。答謝宴喺全體經營合夥人對大家「按時吃飯」嘅祝福聲入面圓滿結束。 | ||
11 | 愛心盒飯任務 | 2020年10月9號 |
中餐廳迎嚟喺武漢嘅最後3日,各位合夥人需完成1200份愛心盒飯嘅送餐任務。第一日,中餐廳開啟流水線模式,大家齊心協力以最短嘅時間完成買食材、備菜等準備工作,並推出咗照燒雞腿飯、香菇醬燒牛腩飯同滷肉飯3款盒飯。第二日,合夥人兵分兩路,喺嗰日中午將第一批400份盒飯分別送去咗國藥控股湖北物流中心同青山江灘防汛堤,又喺嗰晚將第二批400份盒飯分別送去咗武漢地鐵常青車務段同武漢市公交三公司。 | ||
12 | 最後的晚餐 | 2020年10月16號 |
第一日嘅送餐結束,劉宇寧喺員工餐期間宣佈自己因行程衝突需提前離開。第二日,合夥人繼續兵分兩路,將最後一批400份盒飯分別送去咗武漢同濟醫院同武漢市消防救援支隊。送餐結束後,張亮、王俊凱、杜海濤再次開啟中餐廳KTV,得到完成任務之後嘅全面放鬆。之後,由鮮廚四子掌勺製作嘅中餐廳告別宴正式開始。晚餐結束後,中餐廳吐槽大會正式開始,最終林述巍收到最多合夥人嘅吐槽。最後,合夥人進行咗愛心傳遞,互相表達愛意並致謝。 |
圖解 | S張亮掌勺 | J林述巍掌勺 | O其他人掌勺 |
---|
圖解 | S張亮掌勺 | J林述巍掌勺 | O其他人掌勺 |
---|
註:以下菜品都係免費供應。
中國大陸 湖南衛視 首播收視率 | ||||||||
集數 | 播出日期 | CSM59 | CSM全國網 | 備註 | ||||
收視率 | 收視份額 | 排名 | 收視率 | 收視份額 | 排名 | |||
1 | 2020年7月31號 | 1.027 | 5.97 | 9 | 0.65 | 5.52 | 2 | 江蘇《最強大腦第七季》完結 |
2 | 2020年8月7號 | 2.152 | 14.43 | 4 | — | — | — | CSM59無廣告收視率2.22,份額14.51 CSM59數據入面冇三亞數據,所以係CSM58 江蘇《我們簽約吧》開播 東方《花樣實習生》暫停播映 |
3 | 2020年8月14號 | 1.911 | 13.45 | 4 | — | — | — | 東方《花樣實習生》復播 浙江《奔跑吧第四季》完結 |
4 | 2020年8月21號 | 2.030 | 15.84 | 3 | 0.81 | 9.24 | 2 | 因轉播《新聞聯播》超時,呢期節目順延至22:10播映 CSM59無廣告收視率2.09,份額16.0 浙江《2020中國好聲音》開播 |
5 | 2020年8月28號 | 1.789 | 13.59 | 3 | 0.67 | 7.40 | 2 | CSM59無廣告收視率1.81,份額13.7 |
6 | 2020年9月4號 | 1.507 | 11.97 | 3 | — | — | — | 因轉播《新聞聯播》超時,呢期節目順延至22:05播映 CSM59無廣告收視率1.55,份額12.18 CSM59數據入面冇惠州數據,所以係CSM58 |
7 | 2020年9月11號 | 0.983 | 10.02 | 2 | — | — | — | 因播出紀錄片《同心戰「疫」》,呢期節目順延至22:27播映 |
8 | 2020年9月18號 | 1.693 | 17.14 | 3 | — | — | — | 因播出《親切關懷 巨大鼓舞》特別報道,呢期節目順延至22:28播映 CSM59無廣告收視率1.76,份額17.65 |
9 | 2020年9月25號 | 1.516 | 12.35 | 4 | 0.61 | 7.37 | 2 | |
10 | 2020年10月2號 | 1.363 | 10.83 | 3 | 0.64 | 7.19 | 2 | 因轉播《新聞聯播》超時,呢期節目順延至22:05播映 東方《花樣實習生》完結 |
11 | 2020年10月9號 | 0.405 | 4.38 | 7 | — | — | — | 江蘇《我們簽約吧》完結 |
12 | 2020年10月16號 | 1.493 | 11.09 | 3 | 0.68 | 7.39 | 2 | 浙江《2020中國好聲音》暫停播映 |
This article uses material from the Wikipedia 粵語 article 中餐廳第四季節目一覽, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.