მანჰეტენიშ პროექტი (ინგლ.
პროექტი იკათუანდჷ ამერიკალ, ინგლისარ, გერმანალ დო კანადარ მენცარეფს. პროექტის 1942-1946 წანეფს ხემანჯღვერენდჷ ამერიკაშ არმიაშ ინჟინერული კორპუსიშ გენერალ-მაიორი ლესლი გროვსი. ლოს-ალამოსიშ ერუანული ლაბორატორიაშ დირექტორი რდჷ გიშარჩქინელი ფიზიკოსი რობერტ ოპენჰაიმერი. დუდშე პროექტიშ შტაბ-ბინა რდჷ ნიუ-იორკიშ ართ-ართი რაიონი მანჰეტენი. უკულიან წანეფს პროექტიქ ხოლო ჸათე ჯოხოდვალათ იჸუ შინელქ დო თიქ დოთირუ ოფიციალური ჯოხოდვალა: Development of Substitute Materials. პროექტიქ დიჭყჷ 1939 წანას, უკულ თიქ გეფართინუ. პროექტი იკათუანდჷ 130,000 მეტ ადამიერს დო თიშ ფინანსურო ხარჯი რდჷ დოხოლაფირო ჟირი მილიარდი ამერიკული დოლარი (2020 წანაშ მეჯინათ 23 მლრდ. დოლარიშ ექვივალენტი). მანჰეტენიშ პროექტის მიარსხუ ბრიტანეთიშ დო კანადაშ ატომური პროგრამაქ Tube Alloys-იქ. მანჰეტენიშ პროექტით იკეთინჷ ატომურ-ბომბეფქ: პლუტონიშ ტრინიტი, ურანიშ ლითლ-ბოი დო პლუტონიშ ფეტ-მენი. ლითლ-ბოი დო ფეტ-მეტი ამერიკალეფქ გიმირინეს იაპონიაშ ნოღეფიშ ჰიროსიმაშ დო ნაგასაკიშ ობომბალო, 1945 წანაშ 6 დო 9 მარაშინათუთას. ტრინიტი ამერიკალეფქ აფეთქეს ოტესტალო, 1945 წანაშ 16 კვირკვეს, ხორნადა-დელ-მუერტოშ ტიოზის, ნიუ-მექსიკოშ შტატის. მაჟირა მოსოფელიშ ლჷმაშ თებაშ უკული, მანჰეტენიშ პროექტი ტესტირაფაშო გიმირინუანდჷ ბიკინიშ ატოლს. მანჰეტენიშ პროექტიქ ოფიციალურო ითუ 1947 წანაშ 15 მარაშინათუთას.
This article uses material from the Wikipedia მარგალური (Margaluri) article მანჰეტენიშ პროექტი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.