რობერტ ოპენჰაიმერი
ჯულიუს რობერტ ოპენჰაიმერი (ინგლ.
22 პირელი, 1904, ნიუ-იორკი, ააშ — ღ. 18 ფურთუთა, 1967, პრინსტონი, ნიუ-ჯერსი, ააშ) — ამერიკალი ფიზიკოსი-თეორიტიკოსი, შინელი რე მუჭოთ ატომური ანჯარიშ მუმა. მაჟირა მოსოფელიშ ლჷმაშ ბორჯის ოპენჰაიმერი რდჷ ლოს-ალამოსიშ ლაბორატორიაშ დირექტორი დო მანჰეტენიშ პროექტიშ ართ-ართი თარი მაკათური. გურაფულენდჷ ჰარვარდიშ უნივერსიტეტიშ კოლეჯის. უკულ გურაფა გაგინძორჷ კემბრიჯიშ უნივერსიტეტის. 1926 წანას კემბრიჯი ქიდიტუ დო ოგურაფშა გეტინგენიშ უნივერსიტეტიშა გეგნორთჷ, სოდეთ გურაფულენდჷ შინელი გერმანალი ფიზიკოსიშ მაქს ბორნიშ ხემანჯღვერობათ. გეტინგენიშ უნივერსიტეტის ოპენჰაიმერქ გეჩინებაფუ გიშარჩქინელი ფიზიკოსეფი: უერნერ ჰეიზენბერგი, პასკუალ იორდანი, ვოლფგანგ პაული, პოლ დირაკი, ენრიკო ფერმი დო ედვარდ ტელერი. 1927 წანას ოპენჰაიმერქ თხილუ ოდოქტორე დისერტაცია გეტინგენიშ უნივერსიტეტის. გურაფაშ თებაშ უკულ ამერიკაშა დირთჷ დო მუშენდჷ დიო კალიფორნიაშ ტექნოლოგიაშ ინსტიტუტის დო უკულ ჰარვარდიშ უნივერსიტეტის. კალიფორნიაშ ტექნოლოგიაშ ინსტიტუტის მუშობაშ ბორჯის გეჩინებაფუ ლაინუს პოლინგი. ართ პერიოდის ოპენჰაიმერქ იმუშუ ციურიხიშ ფედერალური ტექნოლოგიეფიშ ინსტიტუტის ხოლო, სოდეთ ვოლფგანგ პაულიწკჷმა მუშენდჷ. ოპენჰაიმერი რდჷ კალიფორნიაშ უნივერსიტეტიშ (ბერკლი) ასოცირებული პროფესორი დო უკულ პროფესორი. ოპენჰაიმერიშ ომენცარე ინტერესეფიშ სფერო რდჷ: თეორიული ასტრონომია, ბირთვული ფიზიკა, სპექტროსკოპია, კვანტური თეორია, კვანტური ელექტროდინამიკა დო შხვა. რობერტ ოპენჰაიმერი 1942 წანაშე რდჷ მანჰეტენიშ პროექტიშ მაკათური. ოპენჰაიმერი მონაწილენდჷ ატომური ანჯარიშ ტესტირაფაშ პროცესის 1945 წანაშ 16 კვირკვეს, ნიუ-მექსიკოს. მანჰეტენიშ პროექტიშ უკულ ოპენჰაიმერი მუშენდჷ მენცარული რკვიებეფიშ ცენტრის დო რდჷ თიში დირექტორი.
| რობერტ ოპენჰაიმერი | |
| ინგლ. J. Robert Oppenheimer | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: | ფურთუთა 18, 1967 (62 წანერი) |
| ღურაშ აბანი: | პრინსტონი, ნიუ-ჯერსი, ააშ |
| მენოღალობა: | |
| ომენცარე სფერო: | |
| სამუშაშ აბანი : | კალიფორნიაშ უნივერსიტეტი (ბერკლი) |
| ალმა-მატერი: | ჰარვარდიშ უნივერსიტეტი |
| ომენცარე ხემანჯღვერი: | |
| ჯოხოშინელი მოგურაფეეფი: | დევიდ ბომი |
| ჯილდოეფი დო პრემიეფი: | რიხტმაიერიშ მემორიალური პრემია (1947) |
| ხეშმოჭარუა: |
|
ლიტერატურა
- Kelly, Cynthia C. (2006). Oppenheimer and the Manhattan Project: Insights into J. Robert Oppenheimer, "Father of the Atomic Bomb". Hackensack, New Jersey: World Scientific.
რესურსეფი ინტერნეტის
 | ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article რობერტ ოპენჰაიმერი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.