რობერტ ჰუკი (ინგლ.
Robert Hooke; დ. 18 კვირკვე, 1635 [ახ. სტ. 28 კვირკვე], ფრეშუოტერი, ინგლისი — ღ. 3 მელახი, 1703 [ახ.სტ. 14 მელახი], ლონდონი, ინგლისი) — ინგლისარი მენცარი, ბიოლოგი, ფიზიკოსი, მათემატიკოსი დო არქიტექტორი. რობერტ ჰუკი რდჷ მაართა მენცარი ნამუქჷთ მიკროსკოპიშ გიმორინაფათ ძირუ დო დიგურუ მიკრო-ორგანიზმეფი. 1673 წანას ჰუკიქ ეიოგჷ გრეგორიანული ტელესკოპი დო გიმირკვიუ პლანეტეფიშ მოროხიშ დო დიაშ როტაციეფი. 1665 წანას ჰუკიქ გიშაშქჷ წინგი მიკროგრაფია, სოდეთ ეთმოჭარუნს მუშ მენცარულ ნახანდეფს დო ექსპერიმენტეფს. წინგის რე გჷმობჟინაფილი ჩანარეფიშ დო ჭანდეფიშ მიკროსკოპული ილუსტრაციეფი. ჰუკი წინგის ეთმოჭარუნს ჭანდიშ თოლს დო ჩანარეფიშ თოლეფს. მიკროგრაფიას რე ეჭარილი პლანეტარული რსხულეფი დო შხვადოშხვა მენცარული დო ფილოსოფიური თემეფი. ჰუკი ხანდენდჷ მენცარობაშ შხვადოშხვა დარგეფს ხოლო, გეოლოგიას, პალეონტოლოგიას. ჰუკიქ ოპტიკაშ დარგის გიმირკვიუ სინთეშ რეფრაქცია დო შხვ. ჰუკი რდჷ შინელი არქიტექორი. დიდი თია მიშეღჷ ლონდონიშ რეკონსტრუქციაშა. ჰუკი გურაფულენდჷ ოქსფორდიშ ვადემიშ კოლეჯის. რდჷ გიშარჩქინელი მენცარიშ რობერტ ბოილიშ ასისტენტი. გურაფაშ თებაშ უკულ მუშენდჷ გრეშემიშ კოლეჯის, გეომეტრიაშ პროფესორო. რდჷ ომაფე ჯარალუაშ მაკათური. რობერტ ჰუკიქ მიშეღჷ ტერმინი cell (თოლი). ფიზიკას, ჰუკიშ ჯოხონობაშ რე ჰუკიშ კანონი. რობერტ ჰუკის უძახუნა ინგლისიშ ლეონარდო და ვინჩის.
რობერტ ჰუკი | |
ინგლ. Robert Hooke | |
დაბადებაშ თარიღი: | 18 კვირკვე, 1635 (ახ.სტ. 28 კვირკვე) |
---|---|
დაბადებაშ აბანი: | ფრეშუოტერი, ინგლისი |
ღურაშ თარიღი: | მელახი 3, 1703 (67 წანერი) (ახ.სტ. 14 მელახი) |
ღურაშ აბანი: | ლონდონი, ინგლისი |
მენოღალობა: | ინგლისიშ ომაფე |
ომენცარე სფერო: | ფიზიკა |
სამუშაშ აბანი : | ოქსფორდიშ უნივერსიტეტი |
ალმა-მატერი: | ვადემიშ კოლეჯი (ოქსფორდი) |
ომენცარე ხემანჯღვერი: | რობერტ ბოილი |
ხეშმოჭარუა: |
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article რობერტ ჰუკი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.