ჰიუ ჯეკმენი
ჰიუ მაიკლ ჯეკმანი (ინგლ.
12 გჷმათუთა 1968, სიდნეი) — ემიშ დო ტონიშ დო ორქოშ გლობუსიშ მაღვენჯი ავსტრალიარი არტისტი. დოინალაფირი მაბირე დო ოსცენე მიუზიკლეფიშ არტისტი - ჯეკმანი მოსოფელს უმენტაშო ჩინებული რე მუშ როლეფით მუსხი რენ მაღალბიუჯეტამ ფილმის, თენეფ შქას „იქს-ადამიერეფი“, „კეიტი დო ლეოპოლდი“, „პრესტიჟი“, „ვან ჰელსინგი“ დო „ავსტრალია“.
| ჰიუ ჯეკმანი | |
 | |
| დაბადებაშ ჯოხო | ჰიუ მაიკლ ჯეკმანი |
| დაბადებაშ აბანი | სიდნეი, ახალი ობჟათე უელსი, ავსტრალია |
| დებადჷ | 12 გჷმათუთა, 1968 |
| საქვარუა | არტისტი, პროდუსერი, მაბირე, მასხაპალი |
| აკოქიმინჯალაშ წანეფი | 2004-ამდღარშახ |
| ალმასქუ(ეფი) | დებორა-ლი ფარნესი (1996-ამდღარშა) |
ტონიშ ჯილდოეფიშ სუმ შარაშ მენძელ ჯეკმანქ უმაჯღვერუ ოსკარიშ დოჯილდაფაშ ცერემონიალს 2009 წანას. 2009 წანას ხოლო გინწყუ თიში ჯოხოშ მურიცხიქ ჰოლივუდიშ დიდებაშ ჯალონას.
ფილმოგრაფია
| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 2000 | ფ | იქს-ადამიერეფი | X-Men | ლოგანი |
| 2001 | ფ | ფლირტი ნოტყელწკჷმა | Someone Like You | ედი ალდენი |
| 2001 | ფ | კეიტი დო ლეოპოლდი | Kate & Leopold | ლეოპოლდი |
| 2003 | ფ | იქს-ადამიერეფი 2 | X-men 2 | ლოგანი |
| 2004 | ფ | ვან ჰელსინგი | Van Helsing | გაბრიელ ვან ჰელსინგი |
| 2006 | ფ | იქს-ადამიერეფი:ეკონია ლჷმა | X-Men: The Last Stand | ლოგანი |
| 2006 | ფ | პრესტიჟი | The Prestige | რობერტ ანგიერი |
| 2006 | ფ | წყუ | The Fountain | ტომასი |
| 2008 | ფ | ავსტრალია | Australia | დრიფტერი |
| 2009 | ფ | იქს-ადამიერეფიშ გერჩქინა: კვინორი | X-Men Origins: Wolverine | ლოგანი |
| 2011 | ფ | იქს-ადამიერეფი: მაართა კლასი | X-Men: First Class | ლოგანი |
| 2012 | ფ | სარალოეფი | Les Misérables | ჟან ვალჟანი |
| 2013 | ფ | კვინორი | The Wolverine | ლოგანი |
| 2014 | ფ | იქს-ადამიერეფი: მუმალი ულირი ბორჯიშ დღალეფი | X-Men: Days of Future Past | ლოგანი |
ფაქტეფი
- მეკვარჩხანე რე.
- ფილმი იქს-ადამიერეფიშ გინოღალასშ ბორჯის, ჰიუ რჩქალას არსულენდჷ შტანგაშ ეკინას, ნამუთ 145 კგ რდჷ.
- ნანდულ რინას სიგარეტის ვაშუნს. კოროცხუნს, ნამჷ-და სიგარეტიშ შუმა ფილმეფს — ორჩხოლი რე.
- სიმაღალა — 188 სმ.
- მეთმიოგანს ფორტეპიანოს, გიტარას დო ვიოლინოს.
- ლაჸაფენს გოლფის, რაგბის, კრიკეტის, ნჩურუნს (ფრისტაილიშ დო ბატერფლაიშ სტილით), სიმაღალაშე გითმოსხაფუნს დო დოკაფილი რე ვინდსერფინგით. გილურს კანოეშა. გილაფურინუნს პლანერით. უჸორს ლესქერობეფი, მარა სინანდულეს ბორჯიშო ძალამ ოშა-გოშათ ქჷმახერხინ სოთინ გინულა-და. უმენტაშ, 2004 წანაშ დამორჩილს ფანიაწკჷმა რდჷ საფარის, ობჟათე აფრიკაშ რესპუბლიკას.
- ჰიუ — ბროდვეიშ ისტორიას აკა მარსულაფარი რე, ნამუქჷთ მიპალუ თეატრიშ არძა თარი პრემია ართი სეზონიშ მალობას — როლს „The Boy from Oz“ (ბრდვეიშ თენა თიში დებიუტი რდჷ) — თენა რე „ტონი“, დო „Drama Desk“, დო „Outer Critics Circle“ (თ.ჯ. ბროდვეიშ სუმფა გურგინი);.
- ხუთ ბურთით ართბორჯულო ჟონგლირება შეულებუ.
- ბოქსიშ ინსტუქტაჟის მიკმიშჷ „თელარი სტილიშ“ გინოღალაშ ბორჯის.
- პრაქტიკენს ტრანსცენდენტულ მედიტაციას.
- ბაღანობაშე უჸორს კუჩხბურთი. ურუგვაიშ კლუბი „ნასიონალიშ“ გურშემაჭუე რე.
- 2013 წანას გინიღჷ რეკლამა სმარტფონი Micromax Canvas Turbo A250-იშო დო უკული რეკლამას Micromax Canvas Silver 5-იშოთ.
- 2016 წანას, ნიუ-იორკის გონჭყუ Metallica კონცერტი.
რესურსეფი ინტერნეტის
- (ინგლისური) ჰიუ ჯეკმენი — კინოფილმეფიშ ინტერნეტ მუნაჩემეფიშ ბაზას
სქოლიო
This article uses material from the Wikipedia მარგალური (Margaluri) article ჰიუ ჯეკმენი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.