მიკროსკოპი
ელექტრონული მიკროსკოპი — ხეჭკუდი, ნამუსჷთ შეულებუ მიღას ობიექტიშ ჭყანიერ გადიდორაფილი ამნახანტი ელექტრონეფიშ ართ ჭურჭულს ფოკუსირაფაშ მეშქაშობათ.
.JPG)
ოპტიკური მიკროსკოპიშე გინორთი, ელექტრონულ მიკროსკოპის გჷმირინუანა ელექტრონეფიშ ნაკათის დო მაგნიტურ ვარ-და ელექტრონულ ლინზეფს.
კანკალე ელექტრონული მიკროსკოპი უნარღელჸენს ამნახანტიშ 2 მილიონშახ გადიდორებას. საუჯგუშო ოპტიკური მიკროსკოპეფი ხვალე 2000-შახ ადიდორენა. მუჭოთ ელექტრონულ, თეშ ოპტიკურ მიკროსკოპეფს შეულებჷნა გოთანჯან რეღმაშ სიგჷნძაშ დოჸუნალა. მიკროსკოპიშ მუსხირენი ტიპი რე, ნამუეფს შქას ულტრამიკროსკოპით რე.
ელექტრონულ მიკროსკოპეფს გჷმირინუაფუ ელექტრონული ვარდა მაგნიტური ლინზეფს, ელექტრონეფიშ ომართალო დო ობიექტიშ ნამდგაინი გოთანჯილი აბანიშ გადიდორაფალო.
ელექტრო ამნახანტეფიშ მიკროსკოპი
- ელექტრონული ამნახანტეფიშ მიკროსკოპი
- რასტრული ელექტრონული მიკროსკოპი
- მასკანირაფალი ატომური ჭყანაშ ელექტრონული მიკროსკოპი
- ემასარკალი ელექტრონული მიკროსკოპი
- რასტრული ტრანსიმიული ელექტრონული მიკროსკოპი
- ფოტო გუმაჭყაფალი ელექტრონული მიკროსკოპი
მიკროსკოპიშ ნაგი
- ტუბუსი – სვირი
- ოკულარი – ტუბუსიშ დუდი (თექ ინოხე გჷმადიდორაფალი ლინზეფი)
- ობიექტივი – ტუბუსიშ ბოლო (ლინზეფი თაქჷთ რე)
- ხარხენეფი – თინეფიშ მეშქაშალათ ტუბუსიშ ჟილენი დო გიმენი ყარაფა შილებე
- შტატივი – თის გემარგჷ მიკროსკოპიშ არძა ნორთი
- ომეკონე ტაბაკი – აბანი, სოდე გიდვალუაფუ დაკვირაფალი ობიექტი. (ომეკონე ტაბაკიშ ცენტრის რხვილი რე)
- სარკე – ნამუშ მეშქაშალათ სინთე მიაწუარაფუ რხვილს
- ნერჩი – დგჷმუ.
მიკროსკოპის ობიექტიშ გოდიდორაფა მუსხიშა შეულებუ გიგებუაფუ, ოკულარწკჷმა გეჭარილი რიცხუშ ობიექტივწკჷმა რიცხუშა გომიარაფათ.
სქოლიო
This article uses material from the Wikipedia მარგალური (Margaluri) article მიკროსკოპი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.