约翰内斯·开普勒(德語Johannes Kepler ,1571年12月27日—1630年11月15日),德国天文學家、數學家。开普勒是十七世紀科學革命个關鍵人物。佢頂頂著名个成就是开普勒定律,昰個是稍後天文學家根據佢个著作《新天文学》、《世界个和諧》、《哥白尼天文学概要》萃取而成个三條定律。昰些傑作對艾薩克·牛頓影響極大,啟發牛頓後來想出牛頓萬有引力定律。
在佢个职业生涯當中,开普勒曾在奥地利格拉茨个一家神学院担任数学教师,成为汉斯·乌尔里奇·艾根伯格亲王(Hans Ulrich von Eggenberg)个同事。後首來,佢成了天文学家第谷·布拉赫个助手,并最终成为皇帝鲁道夫二世(Rudolf II)及其两任继任者马蒂亚斯(Matthias)搭费迪南二世的皇家数学家。佢还曾经在奥地利林茨担任过数学教师及华伦斯坦(Wallenstein)将军个顾问。此外,佢在光学领域做了基础性个工作,发明了一种改进型个折光式望远镜(开普勒望远镜),并提及了同时期个伽利略利用望远镜得到个发现。
开普勒生活个年代,天文学与占星学還朆有得清爽个区分,但是天文学(文科中数学个分支)与物理学(自然哲学个分支)却有仔明显个区分。由於宗教上信奉上帝根据借助自然理性之光就可理解个计划创造了世界,受此驱动,开普勒还擔宗教界个争论记录到佢个作品裏向。开普勒擔佢个新天文学描述为“天体物理学”、“到亚里士多德个《形而上学》个旅行”、“亚里士多德宇宙论个补充”、通过擔天文学作为通用数学物理学个一部分改变古代传统个物理宇宙学。
This article uses material from the Wikipedia 吴语 article 约翰内斯·开普勒, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另外声明,内容用CC BY-SA 4.0授权。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 吴语 (DUHOCTRUNGQUOC.VN) is an independent company and has no affiliation with Wiki Foundation.