Johannes Kepler

Al è cognossût soredut pe discuvierte des leçs sul moviment dai planets che al presentà inte sôs oparis Astronomia Nova e Harmonices Mundi. Al fo assistent dal astronom Tycho Brahe e matematic ae cort dal imperadôr Rodolf II. Al à dât contribûts impuartants intal cjamp de otiche e al à judât a legjitimâ lis discuviertis astronomichis dal contemporanei Galileo Galilei; pe sô opare Somnium al è considerât un precursôr dal gjenar de sience romanzade (science-fiction).

(latin) «Geometria est archetypus pulchritudinis mundi.»	(furlan) «La gjeometrie al è l'archetip de bielece dal mont.»
(Johannes Kepler)

Fin ae muart di Tycho Brahe, nol podè acedi a dâts che l'astronom danês al veve metût dongje cu lis sôs osservazions. Ae sô muart, al scomençà a cirî di burî fûr leçs par descrivi il moviment dai planets; Brahe si jere concentrât su la orbite di Mart, une vore ecentriche: il cercli nol si adatave ai dâts, e par chel Kepler al passà a studiâ l'elis e al discuvierzè che la orbite elitiche si adatave in mût perfet a lis osservazions. Di culì e nassè la prime leç di Kepler (1608):

• I planets a àn une orbite elitiche e il Soreli al è un dai doi fûcs

Di culì e studiant ancjemò i dâts, in particolâr la velocitât des orbitis, al rivà ae seconde leç di Kepler (1609):

• I planets no si movin in mût uniformi, ma il rai vetôr che unìs il centri dal planet cul Soreli al cuvierç areis compagnis in timps compagns.

La tierce e ultime leç e trate invezit de traietorie dai planets (1619):

• Il cuadrât dai periodis di rivoluzion dai planets al è proporzionâl al cubi de distance mezane dal Soreli.

Kepler al fo l'ultin astrolic e il prin astronom, parcè che al refudà di basâsi dome su la fede e lis credincis popolârs, ma dome su lis osservazions sperimentâls.

• Mysterium cosmographicum (Il misteri cosmic) (1596)
• Astronomiae Pars Òptica (La part otiche de astronomie) (1604)
• De Stella nova in pede Serpentarii (La gnove stele al pît di Ophiuchus) (1604)
• Astronomia nova (Gnove astronomie) (1609)
• Dioptrice (Dioptrio) (1611)
• Epitome astronomiae Copernicanae (publicât in trê parts 1618-1621)
• Harmonices Mundi (L'armonie dal mont) (1619)
• Tabulae Rudolphinae (1627)
• Somnium (L'insium) (1634)

•  
  Astronomiae pars optica
•  
  Epitome astronomiae copernicanae, 1618

Su Wiki Commons al è disponibil contignût multimediâl relatîf a: Johannes Kepler