Li moirt ou moraedje, c' est l' fén del veye, po les djins, les biesses, et les plantes ki n' ridjetèt nén.
Ene djin, on dit k' ele mourt.
Po les biesses, on dit purade "crever". Portant, les acleveus di tchvås et d' moxhes al låme ont ptchî d' eployî l' minme mot ki po les djins (mori). On pout eto dire "peri".
Po les plantes, on dit purade : "souwer, setchi, souwer evoye".
Cwand l' cåze del moirt n' est nén cnoxhowe, on dit ki l' djin a morou… do mora.
On dit todi ki cwand on est moirt, on n' rivént nén.
Portant gn a des djins k' estént moirts clinicmint et k' ont rivnou a zels. Il ont raconté leu apriyesse do cåzu-moraedje
Ene djin ki mourt, on l' etere dins ene cimintire et lyi fé ene tombe. Les Celes fijhént des tombales; les Merovindjins des tomboes.
Sacwantès djins u sacwantès rlidjons ont meyeu di rayi leus moirts.
Cwand ene djin mourt, les parints et les soçons prezintèt leus condoleyances a s' famile. Li moirt d' ene djin est shuvowe d' on doû.
Li moirt est sovint rprezintêye pa ene fåtcheuse.
Li minêyolodjince carcule li "morance" des djins et des biesses di cåze d' ene metowe maladeye.
This article uses material from the Wikipedia Walon article Moirt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.