Ås Djins Dint

Pol discramiaedje des årtikes avou l' mot « dint », loukîz cial.

On dint po ene djin, c' est l' minme organe ki po les ôtès biesses.

Dinltins, les dints estént råyeyes pa des råyeus d' dints (ki contént sovint des mintes, tot djhant k' on n' åreut nén må).

Asteure, i sont sognîs pa des dintisses, ki vos plèt mete des fås dints.

• aveur on dint ki halcote
• on strouk di dint
• råyî on dint, plomber on dint

Li dint est fwait di sacwants coûtches:

• l' emay dintrece: ene coûtche di foirt deure di crustals d' idrocsiyapatite di calciom (Ca10(PO4)6(OH)2) ki rascouve tote li pårteye do dint metou foû des djoixhes.
• l' ivwere dintrece, ki c' est tote li stocaesse tcherpinte do dint.
• li tchå dintrece, avou l' coron do nier.
• l' oxhea dintrece, ki c' est on trô dins l' oxh del mashale u del badjawe.
• li djincive, li frexhe pea del boke ki rascouve li dzo des dints.

• Cwand on-z aveut må les dints, on meteut ene goirdjeye di fene sol dint ki fjheut må.
• Dentogène prodût di dvant l' guere di 40. On s' broûléve li djincive u l' linwe avou.

• pourixhmint d' on dint

• bårêyès dints : ele tinèt avou les oxhs; les raecinêyes ni sont nén droetes; ele si racrolèt. Po lzès råyî, c' est rujhûle; on doet pacô soyî dins l' djoixhe. On côpe on boket d' oxh. C' est on difåt d' famile.