Dint
On dint, c' est èn organe k' i gn a dins l' boke, come do foirt macasse oxhea, et ki sieve a mawyî l' amagnî.
Adire inte biesses
Les dints sont foirt diferinnes d' ene sôre di biesse a l' ôte.
Les biesses ås tetes ont troes sôres diferinnes, sorlon l' plaeçaedje dins l' boke. Les roemiants n' ont pont d' dints di dvant al mashale do dzeu. Ni d' brotches. Les biesses ås tetes magneuses di tchå ont des foitès brokes. Ele polèt minme vini foû del boke ås singlés, mins adon, c' est purade ås vîs måyes, po s' disfinde. Ås olifants, les brokes vegnnut foû del boke et sont nouzomes et stocaesses assez po disterer des åbes.
Les oujheas n' end ont pont.
Les gros pexhons magneus di ptits (brotchets, rakins) ont tote ene rindjeye d' awiyants dints, tertos del minme cogne, mins d' longueur diferinne.
Sôres di dints
- dint di dvant
- broke ou brotche
- gros dint
Antomeye do dint
- soket u trô do dint.
- nier do dint
- tchå do dint
- emay dintrece (rascovraedje difoûtrin)
- dintene (texhou oxhrece do dint)
This article uses material from the Wikipedia Walon article Dint, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.