Burtaegne

Burtaegne
Bretagne (fr)
Breizh (br)
Brittany (en)

(Detays) (Detays)
Divize : Kentoc'h mervel eget bezañ saotret
Lingaedjes	francès, burton, galo
Sitindêye	34.023 km²
Populåcion (2005)  - Dinsité	4.367.086 dimorants 127 djins/km²
Manoye	Euro

Li Burtaegne ou Payis burton, c' est ene redjon del France.

Li Burtaegne bagne dins l' Mer Mantche et l' Oceyan Atlantike so tote si frontire coûtchantrece. Vizon vizu, houte di l' aiwe, vos avoz l' Grande Burtaegne.

Sol Levant, li Burtaegne s' astoke al Normandeye.

Dipårtumints

Li Burtaegne comprind 5 dipårtumints :

• Finistère
• Ille-et-Vilaine
• Côtes-d'Armor
• Morbihan
• Loire-Atlantique

Dizo-redjons

Li Basse-Burtaegne c’ est l’ pårteye coûtchantrece do Payis burton, la k’ dins l’ tins on dessinéve les mapes djeyografikes avou l’ Ouwess al valêye eyet l’ Ess el copete. On cåze burton el Basse-Burtaegne, dabôrd k’ on djåze galo el Hôte-Burtaegne.

C’ est e 1982, avou les lwès di dicintrålijhaedje, k’ on a veyou el France pol prumî côp des plakes e burton. Avou ces novelès lwès la, les dipårtumints ont l’ povwer so l’ etertinaedje des voyes dipårtumintåles et vont-st ataker a waitî d’ fé ene sacwè pol signalijhaedje bilinwe.

C’ est les dipårtumints des Côtes d’ Armor eyet do Finistère kel vont mete e-n ouve les prumîs, metous so pression pa les soces cultureles burtones. Les ôtes dipårtumints burtons vont shuve, sortot dins l’ Burtaegne burton-cåzante.

 

Les plakes ratournêyes e burton sont-st aprume des cenes mostrant les direccions so les voyes et les plakes di nos d’ viyaedje a l’ intrêye des veyes et viyaedjes. Les troes cwårts do tins i sont metous e clintcheyès letes po kel lijhåvisté fouxhe meyeuse. Des côps, il eploynut ene fonte celtike.

On voet eto des plakes di rowes bilinwes, mins c’ est sorlon les comenes.

A costé d’ ça, on pout vey avou l’ tins ki gn a todi dipus d’ pitits paneas metous e burton tocosté. Metans : des fletches po les tourisses, ki n’ estént k’ e francès gn a dijh ans, atakèt asteure a esse rimetowes e burton.

Cåzu totes ces plakes la, såf des côps po les rowes ou hameas, sont scrîts e « peurunvan », li rfondou burton.