Haswè Cinse

Pol discramiaedje des årtikes avou l' mot « cinse », loukîz cial.

Ene cinse, c' est ene sitindowe di tchamps, avou les bastimints ki vont avou, la k' on prodût des sacwès po magnî, sovint tot tcherwant des teres.

Li djin ki fwait tourner ene cinse si lome cinsî ou cinsresse.

Ene pitite cinse si lome ene cinslote.

Li cinse pout apårtini a on ritche prôpietaire, ey esse louwêye a on trecinsî, ki lyi doet payî, tos ls ans, les trecins.

D' on foirt pitit cinsî, on dit on petron, on halcotî, mins assez rålmint, on payizan.

Dins ene cinse come dinltins, on acleve totes sôres di biesses (bovrins, pourceas, poytreye, tchivås et pus toit, boûs d' atelaedje, et motons).

Et ahiver diferinnès couteures (four, dinrêyes d' awousse, crompires, petråles).

Dispu l' fén do 20inme sieke, el Walonreye, les cinses sont divnowes pus specialijheyes. Gn a, metans:

• des cinses laeçreces
• des cinses di veas tetåds
• des poitchreyes
• des poytreyes.
• des cinses coûtivreces (sins bisteu): frumint, betråles.

…

Gn a yeu eto des cinses avou des aclevaedjes a pårt:

• cinse ås bizons
• cinse otruchrece

Sacwants d' ces cinses la ont divnou des cinses sicolreces.