Betchteu Waibe

Aler betchter so totes les waibes avou ç' programe la si dit "cibernaivyî" (kécfeye di cåze di l' essegne di "Netscape", on vierna u "ciberrôbaler". Li ci ki passe si tins a ça si lome on (ene) "cibernaivieu(se)" u "ciberrôbaleu(se)".

Prôpietaire licince

• Apple : Safari

• Google : Chrome
• Maxthon Internation Limited : Maxthon

• Microsoft
  • Internet Explorer (nén rapontyî dispoy èl enondaedje d' Edge)
  • Edge (dispoy èl enondaedje do Windows 10)
• Opera Software : Opera
• Vivaldi Technologies : Vivaldi
• Yandex Browser : Yandex

"Mozilla Public" licince

• Brendan Eich : Brave
• Mozilla Foundation :
  • Mozilla Firefox
  • SeaMonkey
• The Tor Project Incorporation : Tor Browser

Onk des prumîs betchteus d' waibes, ci fourit "Netscape Navigator", k' a basti ene societé comerciåle foirt florixhante (diviè 1995). Si essegne, c' esteut on vierna d' batea.

Après, gn ourit l' "betchteu då Bill" ("Internet Explorer"), ki vna ototmaricmint aclapé å sistinme d' operance "Windows 2000" da Microsoft.

Diviè 2005, li societé "Netscape" a stî ratchtêye, et ses vîs programes ridiswalpés come libes programes. Li betchteu si lome "Mozilla Firefox".

 

Li prumire modêye do betchteu "Netscape" a-z aveur sitî ratournêye e walon, ci fourit li 4.08.

C' est Pablo Sarahaga k' a bråmint bouté so les rashiaedjes e walon des betchteus waibes. E 2007, i ratourna cåzu tot l' betchteu Mozilla.

Li betchteu waibe Konqueror (dizo l' evironmint d' sicribanne KDE divins Linux) a stî ratourné ås troes cwårts e 2007 et 2008 pa Djan Cayron sol båze di l' ovraedje dedja fwait pa Pablo Sarachaga eyet Lorint Hendschel.