Britannia

Illo occupa le peninsula armorican, situate inter le Manica e le Golfo de Biscaya (presso le Mar Celtic e le Oceano Atlantic), e consiste de cinque departamentos: le Finistère, le Morbihan, le Côtes-d'Armor, le Ille-et-Vilaine, e le Loire-Atlantique. Omnes salve le ultime es incluse in un region administrative francese que es anque appellate Britannia.

Britannia
Bandiera Scuto de armas
Hymno: Bro Gozh ma Zadoù
Classe	region cultural[*], historical region[*], stato preterite[*]
Pais	Francia
Population	4 687 381
Area	34 022 km²
Coordinatas	48°N, 3°W
Fuso horari	UTC+01:00, UTC+02:00[*]
Dominio de Internet	.bzh[*]
Wiki Commons Category Bretagne

Le plus grande urbe, e un capital traditional de Britannia, es Nantes. Rennes, le secunde citate, servi como le capital administrative del region.

Le nomine de Britannia deriva de cello del insula (Grande Britannia), pro que britones native fugiente le anglo-saxones ha colonisate le peninsula in le seculo 6. Le lingua britone, ancora practicate per un quarto de un million de personas, es un lingua celtic insular multo similabile al cornico e al gallese.

Le Britannia es notate pro su climato dulce maritime, su longe costas con plagias de sablo, su patrimonio nautic, le tradition de devotion popular a sanctos catholic, su monumentos paleolithic e su importante sector agrari. Militantes regionalista, nationalista e linguistic considera le Britannia como un del nationes celtic moderne.