Harry Potter
Harry Potter binon sökod lekonedas (gena fantasy), pelauton fa Britänan J.
K. Rowling. Lekoneds konons lifi magivana yunik, Harry Potter e flenas omik Hermione Granger e Ron Weasley. Aliks binons studans in jul magiva "Hogvarts". Kon cifik tefon lüdi ela "Harry" ta el "Lord Voldemort", magivan blägik hikel vilom vedön nedeadöfik, fälön reiganefi magivanas (el "minister magiva"), e yokön magivanis ed elis "Muggles" (nemagivans) alikis.
Sis pub lekoneda balid, Harry Potter and the Philosopher's Stone (Harry Potter e Ston Filosopana), tü 26id yunula 1997, buks etuvons pöpedi legretik, lelobüli krüta e plöpi tedik in vol lölik : tü yulul 2013, 450 balions kopieds bukas peselons in 73 püks (binon sökod mu gudiko peselon in jenotem literata). Ab sök elabon krütis negatik, a.s. tefü mäpet okik u tefü ton okik plu e plu dagik.
Buks pelönedükons ini sök 8 filmas fa Warner Bros. Pictures, kelos elabon plöpi gretik. I dabinon pledadins, kloteds, ... e en yulul 2016 epledoy teatedi, Harry Potter and the Cursed Child (Harry Potter e Cil Pemalediton), kelos pepubon as buk jölid söka.
This article uses material from the Wikipedia Volapük article Harry Potter, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Volapük (DUHOCTRUNGQUOC.VN) is an independent company and has no affiliation with Wiki Foundation.