Hiel Gottfried Wilhelm Leibniz (ü Leibnitz ü von Leibnitz; 1646 yulul 1 - 1716 novul 14) äbinom mödatälenan Deutänik, kel äpenom ledino in latin ed in Fransänapük.
Moted: | 1 yulul 1646 Leipzig |
Deadam: | 14 novul 1716 Hannover |
Cal(s): | himatematan[*], higitavan[*], hifüsüdan[*], hifilosopan[*], hidipan[*], hijenavan[*], hibukeman[*], musigavan[*], hitradutan[*], music theorist[*], hilautan[*], diplomatician[*], hipoedan[*], hikaenal[*], hinimavan[*], archivist[*], hilifavan[*], hitalavan[*], policy advisor[*], philosopher of law[*], tikavan[*] |
Tatät(s): | Electorate of Saxony[*] |
Matan(s): | no value |
Pal(s): | Friedrich Leibniz[*], Catharina Schmuck[*] |
Dispenäd: | |
Labom pladi veütik in filosopajenav ed in matematajenav. Ätüvom difakalkuli nesekidiko de hiel Isaac Newton, ab malatem omik päbuükon e pagebon jünu. Ätüvom i telnumatasiti: stabasuemod binodas nünömavik atimik ti valikas. As filosopan, pamemom jünu ledino sekü fredim, o. b. kludod omik, bai kel leval obsik binon, ma siäm semik, leval gudikün, keli God äkanom jafön. Äbinom, kobü hiel René Descartes e hiel Baruch Spinoza, balan tikälimanas gretik tumyela 17id, ab filosop omik yumon leigo pö vönaoloveikod skolik ed äbüologom tikavi e diletami nulädik. El Leibniz äkleblünom veütikosi i füsüde e kaenave, ed äbüologom suemodis, kels poso ödavedons in lifav, sanav, talav, mögateor, lanav, pükav e nünav. Äpenom i dö bolit, gitav, südav, godav, jenav e vönapükav, ed älautom igo i poedotis nemödik. Keblünots omik grupe gretik jäfüdas at patuvons in gaseds mödik ed in degmilats penedas e namapenädas no päpübölas. Jü atim, no dabinon pübot lölöfik penädas valik ela Leibniz, klu bepenam lölöfik keblünotas omik no nog mögon.
This article uses material from the Wikipedia Volapük article Gottfried Leibniz, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Volapük (DUHOCTRUNGQUOC.VN) is an independent company and has no affiliation with Wiki Foundation.