Thor Hushovd

En is surtout ekend voun zyn sprints en zyn tydryen, ol rydt 'n oek goed in de Vlamsche klassiekers.

Hushovd wos êen van de beste beloftn van zyn tyd en ne won oundermêer 't weireldkampioenschap tydryen, Parys-Roubaix en Parys-Tours in zyn latste joar, 1998. E wos up 't ende van da joar stagiair en kwam echt prof 't joar derup. E het bykan hêel zyn carrière byn Crédit Agricole ereen, in 2009 is 'n veranderd no Cervélo, achter da Crédit Agricole uutschidde.

En het oundertusschn surtout rittn en de punteboais in de grôte roundn ewonn, semi-klassiekers lik 'n Omloop 't Nieuwsblad en Gent-Wevelgem, 't Nôors kampioenschap en ol wel êreplekkn hoald in platte klassiekers lik Parys-Roubaix en Milaan-San Remo. Zyn punteboais pakt 'n surtout deur zyn regelmoate: in 'n Tour van 2005 won 'n de groenn boai zounder e rit te winn, in 'n dienn van 2009 intje, Cavendish wont er zesse. In 2006 wont 'n proloog en muchte 3 doagn 'n gilvn boai andoen, in 'n êestn sprint krêeg 'n e PMU-handje teegn zyn arme, woadeure dat 'n en indelikse neuke hadde.

• Tour de France:

• 2001: 1 rit (ploegntydrit)
• 2002: 1 rit
• 2004: 1 rit
• 2005: groenn boai
• 2006: 2 rittn (proloog + sprint)
• 2007: 1 rit
• 2008: 1 rit
• 2009: 1 rit + groenn boai
• 2010: 1 rit

• Giro d'Italia

• 2007: 1 rit

• Vuelta a España

• 2005: 2 rittn
• 2006: 1 rit + punteklassement

• Nôors kampioenschap: 2004, 2010
• Nôors kampioenschap tydryen: 2004
• Gent-Wevelgem: 2006
• Omloop 't Nieuwsblad: 2009
•   Weireldkampioen ip de boane, Elite: 2010

• 1998-2008: Crédit Agricole
• 2009- : Cervélo Test Team

• Hushovd het e supporterclub in Yper, de Thorfriends.