Parys-Roubaix

'n Koers is surtout ekend voe ze vele kosschieboann, tussen Compiègne (woa dat 'n start nu ligt, omda Parys te verre is) en Roubaix (woa dan de coureurs ankomn up de piste).

De bekendste bynoame van Parys-Roubaix is d' Helle van 't Nôordn, e noame die egeevn is deur e journaliest die achtern ôorloge styf ounder 'n indruk wos van olles die in de streke kapot eschootn wos.

De zones mi kosschien krygn sterretjes van d'organisators. Hoe mêer sterretjes, hoe lastiger de zone. 't Maximum is 5 sterretjes. De zones krygn ouk e numero: hoe dichter by 'n arrivée, hoe klinder 'n numero.

• Bus van Wallers-Arenberg (Johan Museeuw is ier e ki zwoar evolln en e zyn knieschyve ebrookn)
• Carrefour de l'Arbre
• Pevelenberg (Frans: Mons-en-Pévèle)
• Rue de l'Abattoir (nie de officiële noame, 't zyn twêe stikkn, nie verre van Orchies)

Roger De Vlaeminck et Parys-Roubaix vier kêers ewonn en ne wos ouk vie kirs 'n twiddn. En et in 't hêel 14 kêers meiedoan en doavan et 'n moar êne kê moetn upgeevn.

• Johan Museeuw (3x)
• Dirk Demol
• Marc Demeyer
• Léon Vandaele
• Germain Derijcke
• Maurice Desimpelaere
• Marcel Kint
• Lucien Storme
• Gaston Rebry
• Sylvère Maes
• Julien Vervaecke
• Paul Deman
• Cyriel Van Hauwaert

• Officieeln website (FR)
• De zone Arenberg: e filmptje

Ofbeeldiengn die ier by passn ku je vien in de categorie Paris-Roubaix van Wiki Commons.