Een olyve is de vrucht van den olyfboom (Olea europaea), van de familie van de olyfachtign (Oleaceae).
Olyve | |||||||||||||
---|---|---|---|---|---|---|---|---|---|---|---|---|---|
Olyvn an e boom | |||||||||||||
Taxonomische indêlienge | |||||||||||||
| |||||||||||||
Sôorte | |||||||||||||
Olea europaea L., 1753 |
't Geslacht Olea telt à peu près 30 sôortn.
Den boom groeit styf troage en kan e poar duusd joar oud wordn. De bloarn zyn grysdegroen en van april tout juni kommn d'r witte blommetjes an. De stêenvruchtn zyn êerst groen van kleur en wordn zwart os ze rype zyn.
Den olyfboom is één van d'oudste gewassn die gekend is. Je wordt dikwils vernoemd in den bybel, lik in Noach met de duve die werekêerde met een olyftak in zyn snoavel.
Vo dat olyvn wordn g'eetn, wordn z'êest e joar in e zoutwoaterbad geleid vo de bittere smoak weg te krygn. De groene olyvn zyn de vruchtn die nog nie rype zyn. De zwarte zyn zochter en sterker van smoake.
Olyvn kunn in allerhande gerechtn verwerkt wordn, lik in salades, pizza's en in Grieknland me feta (gête- of schoapekoas). Ze wordn ook geserveerd by den aperitief.
Uut olyvn wordt olyfolie g'hoald, da gebruukt wordt in de voedienge, als brandstoffe, in medicyne en cosmetica.
Olyfboomn groeidn êest allêne in 't Middellandsche Zêegebied, 't Middn-Ôostn en Zuud-Afrika, moa ze wordn nu over hêel de weireld gekwikt woa da 't klimoat geschikt is, zelfs in Japan, Indië, Austroalië en 't Zuudn van de Verênigde Stoatn.
Mêer ofbeeldiengn die ier by passn ku je vien ip Olea europaea ip Wiki Commons. |
This article uses material from the Wikipedia West-Vlams article Olyve, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.