Klagenfurt
Klagenfurt (mugazo saksan kelel, bavarijan pagin Klognfuat, sloven.: Celovec), vspäi 2008 täuz' oficialine nimituz om Klagenfurt-am-Vörterze (saks.: Klagenfurt am Wörthersee ), om lidn Avstrijan suves.
Se om valdkundan kudenz' lidn eläjiden lugun mödhe, Karintii-federacijanman pälidn.
Lidnanznam | Flag |
| Valdkund | Avstrii |
| Eläjiden lugu (2022) | 102,618 ristitud |
| Pind | 120,12 km² |
 | |
| Pämez' | Kristian Šeider (sulaku 2009 — sulaku 2015, sulaku 2021—, Christian Scheider) |
| Telefonkod | +43−463 |
| Aigvö | tal'vel UTC+1, kezal UTC+2 |
Istorii
Eländpunkt mainitase ezmäižen kerdan vll 1193−1199 kuti Forum-Klagenvurt. Vll 1246−1252 Klagenfurt sai lidnan oiktusid i kändihe Karintijan gercogkundan surembiš lidnoišpäi, möhemba sen pälidnaks. Toižen mail'man sodan aigan bombardiruihe lidnad 41 kerdad, sen aigan 612 ristitud pölištuiba, muretihe täuzin vai paloin pol'tošt tuhad sauvusid. Vl 1961 ezmäine zon jaugnikoiden täht om sätud lidnas.
Klagenfurtan ižandusen päsarakod oma kebn tegimišt, elektrotehnine sarak, turizm. Severz'-se pästandkodid baziruišoiš täs.
Geografijan andmused
Lidn sijadase federacijanman suvipäivnouzmas, Vörterze-järven päivnouzmaižen čogan randal i Glan-jogen randoil (Drav-jogen alangišt), 446 m ü.m.t. keskmäižel korktusel. Matkad Ven-pälidnhasai om 235 km pohjoižpäivnouzmha orhal vai 305 km A2-kiruhavtotedme. Slovenijan Lüblän-pälidn om 88 kilometras päivlaskmha.
Klimat om ven kontinentaline. Voden keskmäine lämuz om +8,9 C°, kezakun-elokun +18..+20 C°, tal'vkun-uhokun 0..−3 C°. Ekstremumad oma −25,6 C° i +36,6 C°. Paneb sadegid 893 mm vodes, enamba kezakus-uhokus (105..126 mm kus), vähemba vilukus-uhokus (26..29 mm kus).
Klagenfurt jagase 16 nimitadud rajonaks.
Eläjad
Vl 1910 lidnan eläjiden lugu oli 45 161 ristitud, vl 2011 — 94 483 ristitud, vl 2021 — 101 765 rititud. Kaikiš suremb lidnan ristitišt om nügüd'.
Klagenfurtan universitet (saks.: Universität Klagenfurt) radab lidnas vspäi 1993. Siš om nell' fakul'tetad i 12 tuh. üläopenikoid 2021/2022-openduzvodel. Mugažo privatine Muzikan universitet Gustav Maleran nimed om avaitud vspäi 2019 (saks.: Gustav Mahler Privatuniversität für Musik), privatižen Karintijan sättutoitud tedoiden universitetan (Fachhochschule Kärnten) üks' kampus nellaspäi sijadase Klagenfurtas.
Edeline lidnan pamez' om Maria-Luiza Matiašic (sulaku 2015 — sulaku 2021, Maria-Luise Mathiaschitz).
Homaičendad
Irdkosketused
- Lidnan oficialine sait (klagenfurt.at). (saks.) (angl.)
| Klagenfurt Vikiaitas |
| Avstrijan federacijanmad da niiden administrativižed keskused | ||
| Alaavstrii (Sankt Pöl'ten) | Burgenland (Aizenštadt) | Forarl'berg (Bregenc) | Karintii (Klagenfurt) | Štirii (Grac) | Zal'cburg (Zal'cburg) | Tirol' (Insbruk) | Ven | Üläavstrii (Linc) | ||
This article uses material from the Wikipedia Vepsän article Klagenfurt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.