Hokusai

läz 31. reduku 1760, Edo — kol. 10. semendku 1849, sigä-žo) oli japonine pirdai da gravirui, ukijo-e-stilin ezitai. Hän oli kaikiš tutabambišpäi Evropas gravirui-japonijalaine. Hokusai radoi verhiden nimiden al kaiken, enamba mi koumekümne psevdonimad, kävutadas niid pirdajan elon periodizacijan täht (Tecudzo, Sünro i m.e.).

Hokusai
japon.: 葛飾北斎
Hokusai. Avtoportret
radmižen toižend:	pirdai, xylographer, illustraator, ukiyo-e artist, kunstnik, graafik, graafik, disainer, ehitusjoonestaja, kujutav kunstnik, joonistaja
sündundan dat:	31. reduku 1760(1760-10-31)[1][2]
sündundan sijaduz:	Honjo[d], Katsushika district[d] Edo[d], Toshima district[d], Musashi Province[d], Tōkaidō[d], Japonii[3]
valdkund:	Japonii[4][5]
kolendan dat:	10. semendku 1849(1849-05-10)[6][7][2][8][9][10][11][12] (88 vot)
kolendan sijaduz:	Asakusa[d], Japonii Edo[d], Toshima district[d], Musashi Province[d], Tōkaidō[d], Japonii[3]
avtograf:
Hokusai VikiAitas

Hokusail pit'k sädamiželo oli, no hän tegi parahimid töid ičeze kuz'kümnevoččen jubilejan jäl'ghe. Sädi 12 kuviden kogodust (japon.: 北斎漫画 Hokusai manga «Hokusain kuvad») elon aigan, sen ližaks koume kogodust oma pästtud gravirujan surman jäl'ghe. Vl 1834 läksi Hokusain kaikiš tutab tö — grafine «Fudžimägen 100 nägud»-serii (Fugaku sandžurokkei).

Pirdai om valatoitnu lujas 19. voz'sadan čomamahtod Evropas, ozutesikš, ar nuvon vai jügendštilin sädajid.

Hokusain laps'aigan nimi oli Tokitarō (時太郎). Hän oli sündnu käziradajan kanzha i zavodi pirtta kuz'voččen. Abuti čomitada kirjoid kuvil. Gravüran žanr kändihe modakahaks Japonijas, i pirdai oli otnus sihe tetpas.