Genghis Khan (mongol: Чингис Хаан, cinexe: 成吉思汗, turco: Chengez Khan, Chinggis Khan, Chingis Khan), e raquante olte scrito Genghis Khan, pronunsià: / ʧiŋgɪs χaːŋ / cue significa ne ła łéngua móngoła «El inperador de tuti i òmani». Ła ortografia pi frecuente del so nome nełe łéngue eoropee xe "Genghis Khan", da na pronunsia persa del nome. Ła łetura coreta in Vèneto xe al momento indifarente.
El xe nato a Khentii Aimag (?) Delún Boldaq(?) visin de Chitá 1162 (?) e el more a Gansu el 18 de agosto del 1227. El gera un príncipe móngoło chel ga unifegà łe tribù nòmadi di sta etnia del nord de l'Àxia, fondando el primo Inpero Móngoło. El sonome vero el gera Temüjin. Baso el so inpegno come lider, i móngołi i ga portà vanti na sèerie de conchiste rivando a ocupar un taren vasto asè: da l'Europa Sentral fin el Sud de l'Àxia. Ste orde de móngołi i ga vinto anca ła Dinastia Jin (1115-1234) del nord Cina (1211 - 1216), el Inpero Tangut, el regno Kara-Kitán e anca el Inpero de Jorasmia. El ga movestoguera anca contro l'inpero irano-persian de Khwārezm.
No esiste ritrati o rafigurasion atendìbiłi de Temujin in cuanto xe tute òpare pòstume e da ritenerse interpretasion artìsteghe o fantasioxe. El xe nato in ànbito aristocràtego, inte na società fortamente “feudałe”. El 'partneeva al famoxo clan Borjigin e el gera fioło de Yesugei-Baghatur. Come desendenti de Qabul Kan, el clan de Temujin gavea n'alto rango. Grasie al matrimonio co ła fioła del cao keraita, Börte, Temüjin el divien uno de i posìbiłi candidai al tìtoło de Khagan o "Gran Khan".
Intel 1227 Gengis Khan ataca ła cavedal de i Tanguti. No xe ciaro, ma pare che el xe morto in sto periodo pa na cascada dal cavało. Altri i dixe sia morto pa feride in bataja. Genghis Khan ga vudo varie mojeri e toxe, co vari fiołi. Soło a i primi 4 nati homani i xe sta riconosudi i pi alti oneri e sucesion.
Controło de autorità | VIAF (EN) 100172770 · ISNI (EN) 0000 0001 1810 1908 · LCCN (EN) n82024842 · GND (DE) 118527576 · BNF (FR) cb12098160c (data) · BNE (ES) XX945965 (data) · NLA (EN) 35118014 · BAV ADV10106436 · CERL cnp00547841 · NDL (EN, JA) 00625007 · WorldCat Identities (EN) n82-024842 |
---|
This article uses material from the Wikipedia Vèneto article Genghis Khan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.