Depenta Rupestre

Le depente rupestri łe ze depente o dizegni fati inte łe parete de grote o cavità derivanti da ła preistòria partindo dal Pałeołìtego. Inte łe istese grote i ze stai anca catai-fora grafiti rupestri. Ła paroła "rupestre" ła deriva dal latin rupestris, e sto cuà da rupes (ròcia).

La datasion de ste depente ła resta de frecuente inserta e ła crea połèmeghe, parché i mètodi doparai, cofà cueło al ràdio carbònio, i połe vegner fasilmente "inganai" da canpioni contamenai da materiałe pì antigo o pì novo, e połe sucédar co tanta fasiłità inte l'interior de łe caverne.

Co che inte ła metà del XIX secoło, i zera stai catai-fora par ła prima volta sti grafiti, i zera stai considarai primitivi, ma na nova revałutasion e nove descuerte łe ne ga permetesto de capir l'inportansa dei lavori de l'Età de ła Piera, che no i ze miga solché de alto liveło artìstego, ma i forma anca inportanti indisi par na mejo conosensa de ła cultura e de łe credense de cheła època.

I sojeti pì comuni inte łe depente rupestri pałeołìteghe i ze i grandi anemałi selvàdeghi, cofà bo, bizonti, etc.

L'antropòłogo Leroi-Gourhan el ga reconosesto de łe regołarità inte łe raprezentasion de buvini e ecuini e inte łe asociasion de sti cuà respetivamente al seso femenin e al seso mascułin. Łe depente doparae łe zera naturałi. Inte ła pì granda parte vegnea doparai fruti schiciai e sàngue de animałi morti.

•   Wiki Commons el detien imàjini o altri file so Depenta rupestre

• (EN) cave paintingEnçiclopedia Britannica, Encyclopædia Britannica, Inc.  
• (EN) Opere riguardanti Depenta rupestreOpen Library, Internet Archive.