Āyatollāh, raramente adatà in łéngua vèneta in aiatołà o aiatolà, (in àrabo: آية الله
, āyat Allāh
آيت الله
) el ze un tìtuło de grado erlevà che el vien concedesto a chełi esponenti pì inportanti del clero sciita, talvolta al pì autorévoło, e ai mujāhidīn, ła casta dei doti musulmani. Sto tìtuło inte łe ùltemi dècadi el ga asumesto na conotasion pułìtega che prima ła zera tenuada.
El tèrmano el signìfega segni de Allah o segni de Dio (āyāt, segni, plurałe de aya, segno; e Allah) e chełi che i ga sto tìtuło i ze esperti in studi islameghi cofà ła zurisprudensa, l'ètega, ła fiłozofia e el misticismo. Sołitamente i insegna in scołe islàmeghe (ḥawza). Par de soto del grado de ayàllah el ghe ze el grado de hojjatoleslam (ḥojjatoleslām, prova o autorità de l'Islam).
Solché pochi dei pì inportanti āyatollāh i gnen reconosesti cofà Grandi āyatollāh (āyatollāh al-ʿuzmā, "grando segno de Allah" o "grando segno de Dio"), o marja' al-taqlīd ("fonte de emułasion"). Sołitamente el ocore co che i seguidori de un āyàllāh i fa referimento a eło e i ghe dimanda de publegare un testo zurìdego-rełijozo che el posa vegner seguio da ła zente cofà còdaze de vita musulman. Sto testo el ze dizesto Risālat ʿIlmiyya e de sòłito ła ze na rescritura de ła al-Urwa al-Wuthqa andove l'ayàllah el ła reintèrpreta drio del perìodo e condision istòreghe.
This article uses material from the Wikipedia Vèneto article Ayatollah, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.